U Hiermanii chočuć zabaranić vydavać vizy rasijskim i biełaruskim spartsmienam
Ministarka ŭnutranych spraŭ Hiermanii Nensi Fezier prapanavała zabaranić vydaču viz spartsmienam z Rasii i Biełarusi, jakija płanujuć udzielničać u mižnarodnych spabornictvach na terytoryi Hiermanii.
Nensi Fezier
«Kali MZS pahodzicca sa mnoj u hetym, to my admovim u vizach rasijskim i biełaruskim spartoŭcam, jakija ŭjazdžajuć u Hiermaniju», — zajaviła čynoŭnica 12 maja paśla 47-j kanfierencyi ministraŭ sportu ŭ Frankfurcie-na-Majnie.
Nensi Fezier naležyć, jak i fiederalny kancler Ołaf Šolc, da Sacyjał-demakratyčnaj partyi Hiermanii.
Taksama ciapier abmiarkoŭvajecca pytańnie ab mierkavanym spynieńni dziaržaŭnaha finansavańnia mižnarodnych spabornictvaŭ u Hiermanii ŭ vypadku ŭdziełu ŭ ich rasijskich i biełaruskich spartsmienaŭ.
«My abmierkavali heta z alimpijskaj spartyŭnaj kanfiederacyjaj Hiermanii i vyrašyli ŭstrymacca ad hetaha, tamu što ŭ advarotnym vypadku my naniasiom vialikuju škodu arhanizataram», — padkreśliŭ ministr unutranych spraŭ fiederalnaj ziamli Hiesen Pieter Bojt.
Alimpijskaja spartyŭnaja kanfiederacyja, pavodle jahonych słoŭ, «adnahałosna i adnaznačna paćviardžaje pazicyju ŭrada FRH u dačynieńni da taho, što jon z dapamohaj vizavaj palityki pieraškadžaje mahčymaści rasijskich i biełaruskich spartsmienaŭ udzielničać u spabornictvach u Jeŭropie».
Čytajcie taksama:
Adchileńnie biełaruskich i rasijskich himnastaŭ ad turniraŭ zastajecca ŭ sile
Z čempijanatu śvietu pa dziudo vystavili rasijskich zaŭziataraŭ z hieorhijeŭskimi stužkami
