Sudziać žančynu, jakaja admoviłasia razmaŭlać z Azaronkam — pahražaje da 12 hadoŭ. A ź jaje telehram-akaŭnta aktyŭničaje HUBAZiK

Natalla Kruk. Fota ź jaje staronki Ukantakcie

My pisali pra Natallu Kruk u žniŭni 2023-ha. Tady hubazikaŭcy pakazali videa z advažnaj minčankaj — žančynu sprabavaŭ apytać Azaronak, ale jana nie zachacieła adkazvać na jaho pytańni.

Natalli Kruk 39 hadoŭ. Paśla 2020-ha jana vyjechała ŭ Polšču i sprabavała tam adkryć svoj biznes. Ale jon prahareŭ, bo Natallu padmanuŭ partnior.

Apošniaje paviedamleńnie, jakoje jana pakinuła ŭ telehramie, datavanaje 31 maja 2023-ha — jana šukała, z kim u červieni viarnucca ŭ Biełaruś.

Apošniaje paviedamleńnie, jakoje pakinuła Natalla ŭ telehramie

Pa viartańni jaje zatrymali. Było nieviadoma, za što jaje buduć sudzić, ale hubazikaŭcy adrazu zajavili, što jana zastaniecca za kratami.

Imavierna, žančynu sudziać za dva kamientary ŭ telehramie, sens jakich zvodzicca da taho, što «kab pieramahčy, nam patrebnaja zabastoŭka». Heta paličyli «zaklikami da dziejańniaŭ, jakija nanosiać škodu nacyjanalnaj biaśpiecy Biełarusi». Jašče adzin artykuł — 342 KK RB, udzieł u pratestach.

Znajšli jaje vielmi prosta — akaŭnt Natalii padpisany jaje ŭłasnym imiem, a taksama pryviazany da jaje biełaruskaha numaru.

Pakul žančyna za kratami, hubazikaŭcy vyrašyli skarystacca jaje akaŭntam. Jany pakinuli dva kamientary ad jaje imia, abodva datyčacca Alaksandra Azarava i płana «Pieramoha». Abodva kamientary pakinuli 15 sakavika 2024 hoda.

Kamientary, jakija hubazikaŭcy pakinuli z akaŭnta Natalii

Sud na Natallaj pačniecca 7 maja ŭ Minskim haradskim sudzie.

Čytajcie taksama:

Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć

Što novaha praviarajuć u telefonach na miažy pry viartańni ŭ Biełaruś

67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

6

8

1

1

14

84