Adchileńnie biełaruskich i rasijskich himnastaŭ ad turniraŭ zastajecca ŭ sile
Mižnarodnaja fiederacyja himnastyki paśla pačatku šyrokamaštabnaha ŭvarvańnia va Ukrainu adchiliła atletaŭ ź Biełarusi i Rasii ad udziełu ŭ spabornictvach.
Adchileńnie himnastaŭ ź Biełarusi i Rasii ad udziełu ŭ mižnarodnych turnirach pradoŭžana, havorycca ŭ pres-relizie Mižnarodnaj fiederacyi himnastyki (FIG).
Pasiadžeńnie vykankama fiederacyi adbyłosia ŭ piatnicu ŭ tureckaj Antalji, piša «Sputnik».
Vykankam FIG acaniŭ situacyju ź biełaruskimi i rasijskimi atletami, aficyjnymi asobami i vynies vierdykt.
«…FIG ličyć, što miery, užo pryniatyja 1-2 sakavika 2023 hoda i zasnavanyja na artykule 13.3 Statuta FIG, zastajucca ŭ poŭnaj sile bieź jakich-niebudź dalejšych źmien», — havorycca ŭ paviedamleńni.
Tam taksama dadali, što praciahnuć sačyć za situacyjaj i ŭ zaležnaści ad raźvićcia abstavin vykankam moža pierahledzieć hetyja miery.
Sankcyi na spartoŭcaŭ ź Biełarusi i Rasii byli nakładzienyja paśla pačatku vajny va Ukrainie.
Atlety ź Biełarusi i Rasii nie zmahli zmahacca za miedali Paralimpijskich hulniaŭ u Piekinie — 2022, na suśvietnych i jeŭrapiejskich forumach u šerahu vidaŭ sportu.
Čytajcie taksama:
36 krain buduć kantralavać praces dopusku da spabornictvaŭ spartsmienaŭ ź Biełarusi i Rasii
Mižnarodnaja fiederacyja kanoe dapuściła rasijan i biełarusaŭ da spabornictvaŭ
Polšča farmuje mižnarodnuju kaalicyju, kab nie dapuścić biełarusaŭ i rasijan na Alimpijadu
