Hamialčanka skazała svajmu synu, što toj toŭsty. Toj padaŭ na jaje ŭ sud. I vyjhraŭ!

Ilustracyjnaje fota: Naša Niva

Było tak. Žančyna vykazała svajmu synu-padletku, što jon zašmat važyć i jamu varta mienš jeści.

Chłopčyk na hetyja słovy pakryŭdziŭsia i paabiacaŭ napisać na maci zajavu ŭ orhany apieki.

Hetaha nie stryvaŭ prysutny pry hetym ajčym: jon schapiŭ pasynka za vucha i nakruciŭ. 

Padletak śćviardžaje, što jamu jašče i vyśpiatka dali, ale darosłyja heta abviarhajuć. 

Adnak chłopcu z dapamohaj svajho rodnaha baćki ŭdałosia atrymać zaklučeńnie ekśpiertaŭ ab traŭmach, i sprava dajšła da suda.

Sudździa pryznała ajčyma vinavatym u naniasieńni lohkich cialesnych paškodžańniaŭ. U vyniku mužčynu aštrafavali na 1200 rubloŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

8

11

12

0

2

0