Pradstaŭniki hrodzienskaj arhanizacyi Partyi BNF nie vyklučajuć bajkotu Kanhresa demakratyčnych sił. Pra heta zajaviŭ člen Sojma partyi, lider piarvičnaj arhanizacyi niezaležnaha prafsajuza rabotnikaŭ «Hrodna‑Azot» Siarhiej Antusievič.
«Heta adbudziecca ŭ tym vypadku, kali tyja, chto pradstaviŭ u kamisiju padroblenyja podpisy, buduć zarehistravanyja delehatami na Kanhres, — patłumačyŭ «Salidranaści»»; svaju pazicyju Siarhiej Antusievič. — Rehijanalnaja kamisija naziralkaŭ Abjadnanych demakratyčnych sił vyjaviła šmatlikuju kolkaść falšyvych podpisaŭ. Byŭ vypadak, kali adzin i toj ža čałaviek za adzin dzień sabraŭ 160 podpisaŭ u roznych kancach horada, što fizična niemahčyma. Ja viedaju, što padobnaja situacyja adbyvajecca nie tolki ŭ nas. Kali takija ludzi buduć zarehistravanyja delehatami, ja nie baču metazhodnaści ŭdzielničać u hetym mierapryjemstvie. Bo čym u hetym vypadku my budziem adroźnivacca ad taho režymu, jaki ŭvieś čas krytykujem, havoračy pra falsifikacyi?
Jak paviedamiŭ BiełaPAN kiraŭnik Hrodzienskaj rehijanalnaj kamisii naziralnikaŭ Jaŭhien Lasocki, z 49 čałaviek, jakija vykazali žadańnie stać delehatami kanhresa, podpisy jak minimum 10 vyłučencaŭ vyklikajuć padazreńni ŭ členaŭ kamisii. Na siońniašni dzień ŭ Hrodzienskaj vobłaści praceduru pravierki prajšoŭ 31 pretendent: 17 — ad Partyi BNF i hramadskaha abjadnańnia BNF «Adradžeńnie», čatyry — ad ruchu «Za Svabodu», pa piać ad AHP i PKB.
