Skulptura kłasika biełaruskaj litaratury była ŭstalavanaja ŭ Kijevie na vulicy Kaciubinskaha, 3 (Šaŭčenkaŭski rajon). Aŭtary pomnika — biełaruskija skulptary Kastuś Sielichanaŭ i Aleh Varvašenia.
Kampazicyja vahoj kala 2,5 tonaŭ i vyšynioj 2,5 mietry stvarałasia z sakavika minułaha hoda. Bronzavy Karatkievič trymaje ruki ŭ kišeniach palito, na hałavie jaho — bieret. Piśmieńnik staić na fonie razhornutaj knihi; adnu ź jaje staronak upryhožvaje cytata ź vierša Karatkieviča na biełaruskaj i ŭkrainskaj movach:
I pad ptušak zialony homan
Naradzilisia dla abšaraŭ
Płod kachańnia boru i chmary —
Moj Dniapro, i Biaroza, i Nioman.
Uładzimir Karatkievič skončyŭ fiłałahičny fakultet Kijeŭskaha ŭniviersiteta, pracavaŭ u siaredniaj škole ŭ vioscy Lasovičy Kijeŭskaj vobłaści, dobra raźbiraŭsia va ŭkrainskaj litaratury.
Nahadajem, što pieršapačatkova pomnik Karatkieviču płanavałasia ŭstalavać u kancy minułaha hoda, u honar
Ale tolki 14 krasavika dvuchmietrovy Karatkievič źjaviŭsia pobač z budynkam biełaruskaj ambasady ŭ Kijevie. Razam z čornymi stužačkami i kvietkami, jakija haradžanie prynieśli ŭ znak skruchi pa zahinułych u vyniku vybuchu ŭ minskim mietro.