Łukašenkaŭskija siłaviki: ministr abarony Viktar Chrenin, ministr unutranych spraŭ Ivan Kubrakoŭ, staršynia KDB Ivan Cierciel, staršynia Śledčaha kamiteta Dźmitryj Hara, sakratar Rady biaśpieki Alaksandr Valfovič
SBU zaklikała ŭsprymać lubyja padobnyja zajavy pradstaŭnikoŭ režymu Łukašenki jak prajavu infarmacyjna-psichałahičnych śpiecapieracyj u intaresach Rasii.
Toje ž, što paśla hetaj zajavy ŭkrainskaje kiraŭnictva evakujavała z tych balnic lekaraŭ i pacyjentaŭ, tłumačycca situacyjaj vajny, u suviazi z čym «i śpiecyjalnyja słužby, i pradstaŭniki miascovaj ułady reahujuć na kožnuju patencyjnuju pahrozu zhodna z praduhledžanym pratakołam dziejańniaŭ», navat kali pahroza taja čysta tearetyčnaja.
«Asobna padkreślivajem: pradstaŭnikam biełaruskaha režymu, jaki całkam zdaŭ svaju krainu Rasii, varta zrazumieć prostuju reč — ludzi, jakija abaraniajuć Ukrainu ad akupantaŭ, źjaŭlajucca hierojami, a nie terarystami. Tamu što sapraŭdnyja terarysty znachodziacca ŭ Kramli», — padkreślivaje SBU.
Razam z tym vykazvajecca ŭpeŭnienaść, što złačyncy «niepaźbiežna atrymajuć za ździejśnienaje imi pakarańnie», što da łukašystaŭ, to im
«treba nie pałochać ukraincaŭ psieŭdazajavami, a dumać pra toje, jak nie apynucca na łavie padsudnych u Haazie pobač z kramloŭskim dyktataram».
Čytajcie taksama:
U Kijevie pačali evakuacyju dźviuch balnic z-za vykazvańnia Cierciela
Litva ŭručyła Biełarusi notu pratestu z nahody zajavaŭ Cierciela
