Zapusk paŭnočnakarejskaj rakiety. Zdymak ilustracyjny. Fota: Korean Central News Agency/Korea News Service via AP
Pry hetym u ofisie hienieralnaha prakurora Ukrainy Andreja Kościna paviedamili Reuters, što častata vypadkaŭ, kali paŭnočnakarejskaja zbroja davała zboi, była davoli vysokaj.
«Prykładna pałova paŭnočnakarejskich rakiet straciła zaprahramavanyja trajektoryi i vybuchnuła ŭ pavietry; u takich vypadkach abłomki nie byli atrymanyja», — havorycca ŭ piśmovych adkazach ofisa Andreja Kościna na pytańni Reuters.
Va ŭkrainskaj prakuratury zajavili, što, kali abłomki nie ŭdałosia sabrać u miescach udaraŭ, to rakiety Hwasong-11, jakija na Zachadzie taksama nazyvajuć KN-23, identyfikavali pa trajektoryjach ich palotu, chutkaści i miescach zapusku.
Na dolu paŭnočnakarejskich rakiet prypadaje pakul tolki niaznačnaja častka rasijskich udaraŭ padčas vajny suprać Ukrainy, ale sam fakt ich vykarystańnia vyklikaŭ tryvohu ad Sieuła da Vašynhtona, bo heta moža aznačać kaniec amal dvuchdziesiacihadovaha kansensusu pamiž pastajannymi členami Rady Biaśpieki AAN pa praduchileńnie pašyreńnia Pchieńjanam jahonaj jadziernaj i balistyčnaj rakietnaj prahram.
Apošniaje zafiksavanaje vykarystańnie KN-23 było 27 lutaha, paviedamiła ŭkrainskaja prakuratura, dadaŭšy, što ahulnaja kolkaść vyjaŭlenych zapuskaŭ supadaje z danymi raźviedki, jakija śviedčać, što KNDR pastaviła ŭ Rasiju kala 50 balistyčnych rakiet.
Akramia nadańnia Paŭnočnaj Karei mahčymaści vypraboŭvać na praktycy rakiety, Rasija zrabiła kroki, jakija ŭskładniać Arhanizacyi Abjadnanych Nacyj manitorynh sankcyj, uviedzienych suprać Pchieńjana ŭ 2006 hodzie.
Čytajcie taksama:
Kim Čen Yn daŭ zadańnie chutčej rychtavacca da vajny
«Absalutny kał». Z-vajenkary zajavili pra žachlivuju jakaść snaradaŭ z KNDR
Ukraina maje pieršyja dokazy vykarystańnia Rasijaj rakiet z KNDR
