Sajt Hrodzienskaha dziaržaŭnaha ŭniviersiteta imia Janki Kupały zajmieŭ biełaruskamoŭnuju viersiju.
U listapadzie 2010 h. «NN» pisała pra sajty dziaržaŭnych univiersitetaŭ, što nosiać imiony kłasikaŭ ajčynnyj litaratury. A kali bolš kankretna, to havorka viałasia pra najaŭnaść na hetych sajtach biełaruskamoŭnaj viersii. Jak vyśvietliłasia, pa-biełarusku na toj čas pracavaŭ tolki sajt pieduniviersiteta imia I.P. Šamiakina ŭ Mazyry. Sajty Hrodzienskaha dziaržaŭnaha ŭniviersiteta imia Janki Kupały, minskaha pieduniviersiteta imia Maksima Tanka i homielskaha ŭniviersiteta imia Francyska Skaryny hetym pachvalicca nie mahli. Jak i sajt hałoŭnaj vnu krainy – Biełaruskaha dziaržaŭnaha ŭniviersiteta.
I voś, naprykancy hoda sajt Hrodzienskaha dziaržaŭnaha ŭniviersiteta imia Janki Kupały zajmieŭ biełaruskamoŭnuju viersiju. Mahčyma, pryčynaj źjaŭleńnia biełaruskaj movy na sajcie staŭ vizit va ŭniviersitet novaha kiraŭnika abłvykankamu Siamiona Šapiry, jaki raniej inicyjavaŭ biełarusizacyju svajoj ustanovy. Zrešty, heta nieistotna. Važna toje, što niedarečnaja situacyja vypraŭlenaja. Zastajecca pažadać taho ž i astatnim univiersitetam.
