Ilustracyja: fejsbuk Usievałada Ścieburaki
Viadoma, jany pamirajuć —
maje i tvaje hieroi,
stamlonyja ruki składajuć
na viernaj saščerblenaj zbroi,
kładucca, kab stać lehiendaj,
na son u kurhany sivyja,
zaleva nad imi płača,
zavieja nad imi vyje…
Viadoma, jany zastajucca —
u našych z taboj uspaminach —
zarnicami bliskavicaŭ,
u słavie apošnich chvilinaŭ…
Viadoma, jany ažyvajuć —
u našych nadziei i cudzie,
u zorcy na dalahladzie,
u viery, što niešta budzie.
Čytajcie taksama:
Usievaład Ścieburaka. U majoj DNK — hien ziamli. Vierš
Usievaład Ścieburaka. Jak spakuśliva vyžyć na hetaj vajnie… Vierš
16
0
0
0
0
0
