U Biełarusi ŭžo pačali adklučać aciapleńnie, abjavy pra heta źjavilisia na sajtach niekatorych haradskich administracyj, paviedamlaje «Sputnik».
Tak, ułady Hrodna jašče napiaredadni, 10 krasavika pačali adklučać ciapło na vytvorčaściach, a taksama ŭ hramadskich i administracyjnych budynkach. Z hetaj ža daty spynić padaču ciapła rasparadzilisia i ŭ Babrujsku.
«Zychodziačy ź isnujučych umoŭ nadvorja i pierśpiektyŭnaha prahnozu z 10 krasavika 2023 hoda nieabchodna zabiaśpiečyć adklučeńnie sistem aciapleńnia spažyŭcoŭ ciepłavoj enierhii pieršaj čarhi — pramysłovych i inšych arhanizacyj, hramadskich i administracyjnych budynkaŭ», — rastłumačyli tam.
Pry hetym tyja arhanizacyi, jakija adklučajuć ad centralizavanaj sistemy aciapleńnia krychu paźniej (łaźni, teatry, škoły, internaty, žyłfond, haścinicy, biblijateki, muziei, miedustanovy), paprasili «vykonvać racyjanalnaje vykarystańnie paliŭna-enierhietyčnych resursaŭ».
Što tyčycca Minska i inšych bujnych haradoŭ, ab płanach adklučyć padaču ciapła pakul nie paviedamlałasia.
Rašeńnie ab terminach zaviaršeńnia aciaplalnaha siezona prymajecca viasnoj, kali siaredniaja tempieratura pavietra na praciahu troch sutak składaje ad +8 S. Pavodle prahnozu nadvorja Biełhidramieta, ciapier siaredniesutačnaja tempieratura varjirujecca ad +10° da +13°S.
U 2022 hodzie ŭ suviazi z zaciažnoj zimoj batarei pačali adklučać tolki na pačatku maja. U Minsku pieršymi pierastali atrymlivać ciapło hramadskija i administracyjnyja budynki, a taksama pramysłovyja pradpryjemstvy — 6 maja. A 10 maja aciaplalny siezon aficyjna zaviaršyŭsia ŭ žyłych damach i sacustanovach.
- vnučiek, ty horiačij. naviernoje u tiebia tiempieratura?
vnuk:
- niet, babul. eto ty ostyvaješ
(S) aniekdot