Dźmitryj Dzieška na «Dažynkach», 2022 hod. Fota: synkovichy.by
Pra śmierć ahrarnika daznałasia «Radyjo Racyja». Pa jaje źviestkach, jon skončyŭ žyćcio samahubstvam. Pryčyny nieviadomyja.
Krynicy, blizkija da siamji Dzieški, paćvierdzili «Našaj Nivie», što mužčyna pamior 2 krasavika, ale ŭstrymalisia kazać, što ź im stała.
Adzin z žycharoŭ ahraharadka Jełka, dzie mieścicca kantora kaapieratyvu, miarkuje, što Dzieška moh zasilicca. Pa słovach viaskoŭca, la doma niabožčyka jon bačyŭ milicyju, a ŭ haspadarcy, nibyta, «byli prablemy».
Aficyjnaha paćviardžeńnia śmierci deputata Zelvienskaha rajsavieta i kiraŭnika sielhaskaapieratyva «Synkavičy» na 3 krasavika niama.
Dźmitryj Dzieška — z Bresckaj vobłaści. U jaho 20-hadovy staž pracy ŭ sielskaj haspadarcy. Jon patomny ahrarnik. Jaho baćka rabiŭ zaatechnikam. Pa adukacyi Dzieška — ahranom.
Akramia pracy ŭ sielhaspradpryjemstvach, jon byŭ i načalnikam upraŭleńnia sielskaj haspadarki Słonimskaha rajvykankama. «Synkavičami» kiravaŭ z 2011 hoda.
Na «Dažynkach» u «Synkavičach», 2022 hod. Fota: synkovichy.by
Haspadarka Dźmitryja Dzieški — adna z najlepšych u Zelvienskim rajonie.
U 2020 hodzie sielhaskaapieratyŭ byŭ na respublikanskaj došcy honaru.
Letaś Dzieška chvaliŭsia ŭradžajem. Z razmacham haspadarka praviała «Dažynki», na jakich šmat pracaŭnikoŭ było adznačana za dobruju pracu.
Pa słovach padnačalenych, Dźmitryja Dziešku pracoŭny kalektyŭ «nie pakazušna pavažaŭ». Ciapier jany niepakojacca pra toje, što budzie z haspadarkaj, bo, pavodle ich, Dzieška viedaŭ, «u jakija dźviery hrukać».
Kaapieratyŭ «Synkavičy» śpiecyjalizujecca na žyviołahadoŭli, vyrabie małaka i miasa bujnoj rahataj žyvioły. U haspadarcy try małočnatavarnyja fiermy, adzin małočnatavarny kompleks, a taksama dźvie fiermy i adzin kompleks pa vyroščvańni i adkormie karoŭ. U joj vyroščvajuć zbožža i raps. Pradukcyju haspadarka pradaje dziaržaŭnym pierapracoŭčym pradpryjemstvam.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Hladzicie taksama:
Spustašeńnie siała nabyvaje žachlivyja maštaby navat u rajonach, jakija ličacca zamožnymi
Što pabačyć na pravym bierazie Niomana?
Biełstat: Nasielnictva za minuły hod skaraciłasia amal na 55 tysiač čałaviek
