Kievina Džonsana pavinny pakarać śmierciu ŭ aŭtorak za zabojstva palicejskaha ŭ 2005 hodzie. Tady abvinavačanamu było 19 hadoŭ.
Jon paprasiŭ, kab jaho dačka Chory Rami prysutničała padčas pakarańnia śmierciu.
Amierykanski sajuz hramadzianskich svabod padaŭ nadzvyčajny pazoŭ ad jaje imia, śćviardžajučy, što zakon štata parušaje jaje kanstytucyjnyja pravy.
Pa ich słovach, uzrostavyja abmiežavańni ŭ zakonie štata Misury — zabarona ludziam, jakim mienš za 21 hod, być śviedkam śmiarotnaha pakarańnia — nie majuć dačynieńnia da biaśpieki.
37-hadovy Džonsan znachodzicca ŭ turmie z tych časoŭ, jak jaho dačce było dva hady.
Jany razmaŭlali padčas vizitaŭ, praz telefonnyja zvanki i pierapisku. U minułym miesiacy jana pryviezła ŭ turmu svajho novanarodžanaha syna, kab paznajomić jaho ź dziadulem.
«U mianie serca razryvajecca, što ja nie zmahu być sa svaim baćkam u jaho apošnija chviliny», — skazała Remi ŭ zajavie, dadaŭšy, što jaje baćka ŭparta pracavaŭ, kab reabilitavacca ŭ turmie, i jana maliłasia, kab hubiernatar Misury jaho pamiłavaŭ.
Džonsana pryznali vinavatym u zabojstvie aficera palicyi Misury Uiljama Makienci, baćki traich dziaciej.
Advakaty Džonsana padali apielacyi, kab vyratavać jamu žyćcio. Choć jany nie asprečvajuć jaho vinu, jany śćviardžajuć, što ŭ vyniasieńni śmiarotnaha prysudu adyhraŭ rolu rasizm.
