Nakolki viadoma, havorka idzie ab pieradačy troch viertalotaŭ WS-61 Sea King, jakija raniej znachodzilisia na słužbie ŭ Karaleŭskich VPS, adzin ź jakich užo pastaŭleny va Ukrainu.
Heta staraja madel viertalotaŭ: bolš jany nie vypuskajucca. Sea King vykarystoŭvalisia padčas Fałklendskaj vajny, vajny ŭ Piersidskim zalivie, u chodzie Bałkanskaha kanfliktu i vajny ŭ Iraku. Apošni taki viertalot byŭ śpisany ŭ 2018 hodzie.
Pakul niezrazumieła, jak mienavita Ukraina budzie vykarystoŭvać hetyja mašyny — zvyčajna jany pryznačanyja dla pošukava-vyratavalnych i miedyka-transpartnych apieracyj. Jak adznačaje hazieta Times, jany taksama padychodziać i dla raźviedki.
Na praciahu apošnich šaści tydniaŭ instruktary karaleŭskaha fłotu navučali ŭkrainskija vajennyja ekipažy navykam kiravańnia i absłuhoŭvańnia hetych mašyn.
Da hetaha času mała chto z zachodnich krain davaŭ Ukrainie piłatujemyja latalnyja aparaty. Ułady Ukrainy praciahvajuć prasić svaich zachodnich sajuźnikaŭ ab źniščalnikach abo ŭdarnych viertalotach, ale da hetaha času hetyja prośby zastajucca biez adkazu.
Ben Uoles abviaściŭ, što akramia viertalotaŭ Brytanija pieradaść Ukrainie dadatkovyja dziesiać tysiač artyleryjskich snaradaŭ. Pa słovach ministra, jany dapamohuć Ukrainie abaranić niadaŭna vyzvalenyja terytoryi.
Vialikabrytanija vystupaje druhim najbujniejšym donaram vajskovaj dapamohi Ukrainie paśla ZŠA. U vychadnyja premjer-ministr Ryšy Sunak naviedaŭ Kijeŭ, dzie paabiacaŭ vydzielić jašče 50 miljonaŭ funtaŭ na vajennuju dapamohu krainie. Siarod inšaha jana budzie ŭklučać pastaŭki 125 zienitnych ustanovak i abstalavańnie dla pierachopu iranskich bieśpiłotnikaŭ.
U pačatku hetaha miesiaca Łondan abviaściŭ taksama ab pastaŭcy Ukrainie jašče 1000 supraćzienitnych rakiet.
