Hałoŭnaja meta #FreeAllWords — dać udzielnikam prajekta placoŭku, z dapamohaj jakoj jany zmohuć raspaviadać jeŭrapiejskaj aŭdytoryi pra padziei ŭ svaich krainach, mieć mahčymaść być pačutymi ŭ hramadstvach, jakija nie viedajuć, što takoje vajna, represii i dyktatura.
«My chočam pabudavać most svabody słova, demakratyi i ŭzajemarazumieńnia pamiž aŭtarami, kulturami, narodami i movami. Našym kaleham užo nie patrebnyja Adkrytyja listy, ale im patrebnyja drukavanyja radki, chviliny efiru i anłajn-farmaty, kab raspavieści svaje historyi i pratranślavać svajo asabistaje bačańnie taho, što adbyvajecca. Mienavita tamu my arhanizujem hetu adčuvalnuju dapamohu», — adznačaje Nina Hieorhie, piśmieńnica i Staršynia Jeŭrapiejskaj rady piśmieńnikaŭ (European Writers' Council (EWC).
Na sajcie #FreeAllWords buduć publikavacca tvory ŭkrainskich i biełaruskich piśmieńnikaŭ u pierakładzie na šmatlikija movy Jeŭropy. Usiaho płanujecca zrabić pierakład nie mieniej za 100 tvoraŭ (teksty, ese, intervju, vieršy), usie pracy buduć raźmieščany na sajcie prajekta ŭ adpaviednaści z normami aŭtarskaha prava. Taksama tvory buduć drukavacca ŭ presie i raźmiaščacca na niekamiercyjnych partniorskich resursach toj krainy, na movie jakoj ździejśnieny pierakład.
Prajekt zaprašaje da ŭdziełu biełaruskich i ŭkrainskich piśmieńnikaŭ, a taksama pierakładčykaŭ na jeŭrapiejskija movy!
Prajekt #FreeAllWords daść mahčymaść aŭtaram razmaŭlać i być pačutymi, niahledziačy na ŭvieś žach vajny i represij, dapamoža jeŭrapiejskaj aŭdytoryi praz tvorčaść piśmieńnikaŭ jašče bolš daviedacca pra Ukrainu i Biełaruś.
Kali vy pierakładčyk, dašlicie svaje karotkaje reziume na adras [email protected] z paznakaj «pierakładčyk/pierakładčyca».
Kali vy paet ci prazaik, dašlicie vašyja teksty (nie bolej za 7 tysiač znakaŭ z prabiełami) z paznakaj «aŭtar/aŭtarka» na adras [email protected]
U pieršuju čarhu buduć razhladacca teksty, jakija adpaviadajuć temie prajekta i na jakija aŭtar vałodaje ekskluziŭnymi pravami. Adbirać teksty da ŭdziełu ŭ prajekcie budzie śpiecyjalnaja kamisija #FreeAllWords, jakaja składajecca z pradstaŭnikoŭ piśmieńnickich i pierakładčyckich arhanizacyj.
