Nasielnictva i terytoryja Mahilova raźbityja na try rajonnyja kamisii pa vybarach prezidenta. Zapomnić ich lohka — Leninskaja, Kastryčnickaja i Mahiloŭskaja, paviedamlaje «Mahiloŭskaja viasna».
29 červienia ŭ hetych kamisijach padviali vyniki pravierki podpisaŭ pa vyłučeńni ŭ kandydaty ŭ prezidenty. Viktara Babaryku i Valeryja Capkału prakacili mima vybaraŭ.
Na ŭvieś Mahiloŭ z bolš za 110 tysiač podpisaŭ aficyjna za Łukašenku nie pryznali 172.
U Mahiloŭskim rajonie nie buduć uličvać podpisy ni za Babaryku, ni za Capkału. Zhodna z pravierkaj kamisii, u abodvuch pretendentaŭ uzrovień niepraŭdzivych sihnatur u padpisnych listach bolš za 15%. Faktyčna, heta aznačaje vykidvańnie ŭ śmietnik usich sabranych i zdadzienych pa rajonie podpisaŭ.
U inšych kamisijach palityki taksama atrymali kuču prablem. Leninski vybarkam nie budzie ŭličvać zdadzienyja podpisy za Babaryku (niedakładnymi pryznanyja 274 podpisy z 1766), a Kastryčnickaja — za Capkału (182 z 1007).
A ŭ hłabalnym vyniku, kali ŭziać usie mahiloŭskija podpisy, jakija nie budzie ŭličvać CVK za Babaryku i Capkału, to vychodzić, što palitviazień bankir straciŭ u abłasnym centry ŭ sukupnaści bolš za 5,5 tysiačy, a były kiraŭnik PVT — bolš za 3 tysiačy podpisaŭ.
U CVK ad Mahilova ŭ padtrymku Cichanoŭskaj pojduć kala 5,5 tysiač podpisaŭ.
