Fota Nadziei Bužan
27 červienia ŭ patencyjnaha kandydata ŭ prezidenty Śviatłany Cichanoŭskaj pryniali pieradaču dla Siarhieja Cichanoŭskaha. Jaho zatrymali čatyry tydni tamu, 29 maja ŭ Hrodnie.
Heta značyć, što jaho pieraviali z karcara ŭ kamieru śledčaha izalatara, piša «Radyjo Svaboda».
Karcaram jaho karali dvojčy — za «parušeńnie ŭnutranaha rasparadku». Parušeńnie było ŭ tym, što na trochmietrovaj stoli ŭ kamiery Siarhieja znajšli pavucińnie.
Ad svajho muža jana atrymała tolki adzin list.
«18 červienia ja atrymała list, jaki Siarhiej dasłaŭ 3 červienia. Tam ničoha takoha… bo cenzura ž. Napisaŭ, što jamu pieradavać», — dadała Śviatłana.
Vobmal infarmacyi jana maje i ad advakata, bo jon padpisaŭ dakumienty ab nierazhałošvańni.
«Advakat kaža, što Siarhiej u maralnym płanie trymajecca dobra», — kaža Śviatłana.
