Fota Jaŭhiena Jerčaka.
Kancert pamiaci biełaruskaha kampazitara i pijanista Juryja Blinova «Darahomu siabry» projdzie 18 kastryčnika na scenie Vialikaj kancertnaj zały Biełaruskaj dziaržaŭnaj fiłarmonii, paviedamlaje BIEŁTA.
«Juryj Blinoŭ byŭ vybitnym muzykam, jaki spałučaŭ u sabie dźvie ipastasi kampazitara i vykanaŭcy, što zaŭsiody było prykmietaj asablivaha, jarkaha daru. Jaho śviatło pryciahvała mnohich talenavitych ludziej, i ŭ vyniku sumiesnaj tvorčaści źjaviŭsia nie adzin vydatny tvor, — raspaviali ŭ Biełdziaržfiłarmonii. '
— U Juryja Blinova było šmat siabroŭ, kalehi jaho pavažali, słuchačy lubili. i dla ich jaho raptoŭnaja śmierć stała sapraŭdnaj trahiedyjaj. Ciapier davodzicca tolki zdahadvacca, jakija jašče tvory jon moh by napisać i jakimi vydatnymi kancertami paradavać svaich prychilnikaŭ».
Muzykant i suzasnavalnik «Krumkačoŭ» Juryj Blinoŭ pamior 21 krasavika padčas ekamarafona ŭ Homieli. Jamu stała błaha na finišnaj pramoj. Daktary nie zmahli vyratavać muzykanta. Juryju było ŭsiaho 43 hady.
«Chłopiec u majcy z nadpisam «Blinoŭ» i šortach u adzinočku supraćstajaŭ bryhadzie AMAPu»
