«Astravicianie» — heta ad nazvy «Astraviec», patłumačyŭ karespandentu NN mastak.
Svaju novuju pracu Alaksiej Maračkin pryśviaciŭ temie atamnaj elektrastancyi, što budujecca ŭ Astraŭcy, dy źviazanymi z hetym budaŭnictvam tryvohami.
Karcina maje być vystaŭlenaja na tradycyjnym «Bijenale žyvapisu, hrafiki i skulptury» Biełaruskaha sajuza mastakoŭ, što raspačniecca 22 listapada ŭ minskim Pałacy mastactvaŭ (Kazłova, 3).
78-hadovy Alaksiej Maračkin — adzin z patryjarchaŭ biełaruskaha mastactva. Jon pracuje ŭ halinie žyvapisu, vykładaje. Maračkin daśledavaŭ (i faktyčna pieraadkryŭ) spadčynu Jazepa Drazdoviča. U 1970-ja jon uvachodziŭ u demakratyčnaje abjadnańnie mastakoŭ «Na paddašku», byŭ siarod zasnavalnikaŭ mastakoŭskaj supołki «Pahonia».
