U Pružanskim rajonie, na chutary Stojły, niedaloka ad chaty narodnaha majstra Mikałaja Tarasiuka, 10 maja ŭstanoŭlenyja draŭlanaja skulptura raźbiara i kaplica, paviedamlaje sb.by.
Uviekaviečyli majstra ŭdzielniki plenera, jaki prajšoŭ z 4 pa 10 maja na chutary Stojły.
Fihurki raźbiar rabiŭ z dreva, łazy, kary i sałomy. Stvaryŭ kalekcyju z 30 tysiač čałaviečkaŭ. Častka rabot — u muziejach.
Načalnik adździeła ideałahičnaj pracy, kultury i pa spravach moładzi Pružanskaha rajvykankama Kanstancin Panimaš prapanavaŭ svajakam vyznačycca sa spadčynaj majstra:
«My hatovyja stvaryć muziej u Pružanach, kab pieravieźci ŭsio heta ŭ horad. Ale duch nie pieraviazieš. Tamu muziej pavinien zastacca ŭ Stojłach».
Pamior 82-hadovy Mikałaj Tarasiuk 16 studzienia 2015 hoda, nie spraviŭšysia ź insultam. Pryčym, za niekalki hadoŭ da śmierci jon nazvaŭ datu, kali jaho nie stanie.
Hladzi taksama Mikałaj Tarasiuk: Apošni z mahikanaŭ
Fota Alaksandra Ždanoviča, budzma.by
