Pradstaŭnik Biełarusi na mižnarodnym konkursie pieśni «Jeŭrabačańnie-2014» śpiavak Tea (Juryj Vaščuk) z kampazicyjaj «Cheesecake» vystupić u druhim paŭfinale 8 maja pad dziasiatym numaram.
Ab hetym BiełTA paviedamili ŭ pres-słužbie Biełteleradyjokampanii.
Siońnia arhanizatary konkursu abjavili kančatkovy paradak vystupleńniaŭ vykanaŭcaŭ u paŭfinałach. U hetym hodzie paradkavyja numary ŭdzielnikaŭ paŭfinałaŭ «Jeŭrabačańnia», jak i ŭ minułym, vyznačali pradziusary piesiennaha forumu. Na dumku arhanizataraŭ, taki padychod daje mahčymaść zrabić šou bolš papularnym i efiektnym z punktu hledžańnia režysury.
Takim čynam, paradak vystupleńnia artystaŭ pieršaha paŭfinału, jaki projdzie 6 maja, taki:
1. Armienija; 2. Łatvija; 3. Estonija; 4. Šviecyja; 5. Isłandyja; 6. Ałbanija; 7. Rasija; 8. Azierbajdžan; 9. Ukraina; 10. Bielhija; 11. Małdova; 12. San-Maryna; 13. Partuhalija; 14. Niderłandy; 15. Čarnahoryja; 16. Vienhryja.
U druhim paŭfinale (8 maja) vykanaŭcy vyjduć na scenu ŭ nastupnym paradku:
1. Malta; 2. Izrail; 3. Narviehija; 4. Hruzija; 5. Polšča; 6. Aŭstryja; 7. Litva; 8. Finlandyja; 9. Irłandyja; 10. Biełaruś; 11. Makiedonija; 12. Šviejcaryja; 13. Hrecyja; 14. Słavienija; 15. Rumynija.
Italija, Ispanija, Hiermanija, Francyja, Vialikabrytanija na pravach krain - arhanizataraŭ konkursu i pieramožca minułaha hoda Danija traplajuć u finał, jaki projdzie 10 maja, aŭtamatyčna. Paradak vystupleńnia finalistaŭ, zhodna z rašeńniem arhanizataraŭ, ahučać paśla praviadzieńnia dvuch paŭfinałaŭ. Adnak užo viadoma, što kankursant z Danii vystupić u finale pad numaram 23.
Mižnarodny konkurs pieśni «Jeŭrabačańnie-2014» projdzie ŭ Kapienhahienie (Danija) z 6 pa 10 maja na scenie B&W Hallerne na Refshaleoen pad łozunham «Dałučajciesia da nas» (Join Us). Usiaho ŭ piesiennym forumie prymuć udzieł 37 krain.
Pramuju tranślacyju dvuch paŭfinałaŭ i finału konkursu tradycyjna buduć vieści telekanały «Biełaruś 1» i «Biełaruś 24».
