Načnyja sutyknieńni pratestoŭcaŭ z palicyjaj u starym stambulskim rajonie Biešyktaš stali samymi krovapralitnymi za ŭvieś čas chvalavańniaŭ, jakija pačalisia ŭ Turcyi na minułym tydni.
Miačeci, kramy i raźmieščany niepadalok budynak univiersiteta pieratvarylisia na čas u pieraviazačnyja punkty, dzie akazvajecca pieršaja dapamoha paranienym.
Udzielniki pratestu raźbirali nočču brukavanku i budavali ź jaje barykady. Palicyja adkazvała ślozaciečnym hazam.
Mnohich demanstrantaŭ vanitavała ad kancentracyi hazu, šmat u kaho taksama pačaŭsia mocny kašal.
U načnych sutyknieńniach udzielničali kala 10 tysiač čałaviek.
Pa dadzienych uładaŭ za dva apošnija dni ŭ 67 haradach krainy byli aryštavanyja bolš za 1700 čałaviek.
Pozna ŭviečary ŭ niadzielu Bieły dom vystupiŭ z zaklikam da varahujučych bakoŭ urehulavać situacyju i nahadaŭ uładam Turcyi, što «mirnyja demanstracyi źjaŭlajucca častkaj demakratyčnaha volevyjaŭleńnia».
Adnak prem'jer-ministr Turcyi Redžep Taip Erdahan asudziŭ udzielnikaŭ akcyj pratestu, zajaviŭšy, što svaimi dziejańniami jany «padryvajuć demakratyčnyja asnovy» .
Erdahan admioŭ abvinavačvańni apazicyi ŭ tym, što jaho ŭrad źjaŭlajecca aŭtarytarnym i praisłamicskim, zajaviŭšy, što pad kiraŭnictvam jaho Partyi spraviadlivaści i raźvićcia Turcyja dabiłasia niemałych ekanamičnych pośpiechaŭ.
Jon pierakanany, što za pratestami stajać marhinalnyja hrupoŭki, jakija padtrymlivajucca
