Начныя сутыкненні пратэстоўцаў з паліцыяй у старым стамбульскім раёне Бешыкташ сталі самымі кровапралітнымі за ўвесь час хваляванняў, якія пачаліся ў Турцыі на мінулым тыдні.
Мячэці, крамы і размешчаны непадалёк будынак універсітэта ператварыліся на час у перавязачныя пункты, дзе аказваецца першая дапамога параненым.
Удзельнікі пратэсту разбіралі ноччу брукаванку і будавалі з яе барыкады. Паліцыя адказвала слёзацечным газам.
Многіх дэманстрантаў ванітавала ад канцэнтрацыі газу, шмат у каго таксама пачаўся моцны кашаль.
У начных сутыкненнях удзельнічалі каля 10 тысяч чалавек.
Па дадзеных уладаў за два апошнія дні ў 67 гарадах краіны былі арыштаваныя больш за 1700 чалавек.
Позна ўвечары ў нядзелю Белы дом выступіў з заклікам да варагуючых бакоў урэгуляваць сітуацыю і нагадаў уладам Турцыі, што «мірныя дэманстрацыі з’яўляюцца часткай дэмакратычнага волевыяўлення».
Аднак прэм’ер-міністр Турцыі Рэджэп Таіп Эрдаган асудзіў удзельнікаў акцый пратэсту, заявіўшы, што сваімі дзеяннямі яны «падрываюць дэмакратычныя асновы» .
Эрдаган адмёў абвінавачванні апазіцыі ў тым, што яго ўрад з’яўляецца аўтарытарным і праісламіцскім, заявіўшы, што пад кіраўніцтвам яго Партыі справядлівасці і развіцця Турцыя дабілася немалых эканамічных поспехаў.
Ён перакананы, што за пратэстамі стаяць маргінальныя групоўкі, якія падтрымліваюцца
