Spaleńnie partreta Mušarafa
Sud Pakistana vydaŭ ordar na aryšt byłoha prezidenta krainy Piervieza Mušarafa, jaki viarnuŭsia ŭ krainu ŭ sakaviku z dobraachvotnaha vyhnańnia dla ŭdziełu ŭ parłamienckich vybarach. Na radzimie palityka abvinavačvajuć u parušeńni kanstytucyi i niezakonnych aryštach sudździaŭ u pieryjad svajho kiravańnia.
Niahledziačy na rašeńnie suda ŭ Isłamabadzie, palicyi nie ŭdałosia zatrymać Mušarafa, jaki prysutničaŭ na pasiadžeńni. Jaho achova zabrała prosta z budynka. Dzie ciapier znachodzicca eks-prezident, nieviadoma. U jaho jašče jość mahčymaść padać apielacyju na hetaje rašeńnie ŭ Viarchoŭny sud.
Padstavaj dla zaviadzieńnia kryminalnaj spravy suprać Mušarafa stała ŭviadzieńnie im režymu nadzvyčajnaj situacyi ŭ krainie ŭ 2007 h., kali Viarchoŭny sud admoviŭsia pryznavać jaho prezidentam, bo jon adnačasova źjaŭlaŭsia hałoŭnakamandujučym armii.Pavodle zakonaŭ Pakistana, kiraŭnik vykanaŭčaj ułady nie moža źjaŭlacca kiraŭnikom uzbrojenych sił krainy. Urešcie Mušaraf admoviŭsia ad statusu vajenačalnika, adnak hetamu papiaredničaŭ kanflikt z sudździami Viarchoŭnaha suda i aryšt niekatorych ź ich.
Akramia hetaha, u dačynieńni da Mušarafa vystaŭleny jašče šerah abvinavačvańniaŭ.U pryvatnaści, jaho ličać datyčnym da zabojstva byłoha premjer-ministra krainy i apazicyjaniera Bienazir Bchuta ŭ 2007 hodzie, a taksama da zabojstva lidara paŭstancaŭ ź Biełudžystana hodam raniej.
Hetyja abvinavačvańni pieraškodzili Mušarafu, što ŭznačalvaŭ krainu z 1999 pa 2008 hod, pryniać udzieł u parłamienckich vybarach.
Jon sprabavaŭ padać zajaŭki na rehistracyju svajoj kandydatury ŭ čatyroch pravincyjach, adnak jamu było admoŭlena.
0
0
0
0
0
0
