Abrali samuju pryhožuju supracoŭnicu Biełčyhunki
18 krasavika adbyŭsia finał konkursu pryhažości i hracyi «Krasa našaj mahistrali» siarod rabotnic Biełaruskaj čyhunki.
Finał konkursu prajšoŭ u Viciebsku. Fota: Biełčyhunka
U spabornictvie pryniali ŭdzieł 6 čyhunačnic — pieramožcy adboračnych turaŭ, jakija byli arhanizavany na adździaleńniach mahistrali.
Konkurs składaŭsia z šaści etapaŭ, u tym liku, była prezientacyja videarolikaŭ pra siabie i svajoj prafiesii, konkurs, u ramkach jakoha ŭdzielnicy pavinny byli acanić žyćciovuju situacyju i apieratyŭna pryniać rašeńnie, pakaz numaroŭ mastackaj samadziejnaści, defile ŭ viačernich uborach, a taksama patryjatyčny etap pad nazvaju «Biełaruś pamiataje! Čyhunačniki pamiatajuć!»
Pieramožcaj konkursu stała Daryna Kucyłava (Minskaje adździaleńnie BČ).
Tytuł «Talent našaj mahistrali» atrymała Viktoryja Vasilevič (Homielskaje adździaleńnie).
«Styl našaj mahistrali» — Aksana Baškirava (Mahiloŭskaje adździaleńnie).
«Aryhinalnaść našaj mahistrali» — Dyjana Kłokava (Viciebskaje adździaleńnie).
«Uśmieška našaj mahistrali» — Viktoryja Mančak (Bresckaje adździaleńnie).
«Abajańnie našaj mahistrali» — Taćciana Špakoŭskaja (Baranavickaje adździaleńnie).
Usim udzielnicam byli ŭručany dypłomy, bukiety kvietak i kaštoŭnyja pryzy.
Tolki brydka (na moj nacyjanalny hust) ad bałharamoŭnych mierapryjemstvaŭ