U Minsku buduć sudzić ramantyka: jon skraŭ biespravadnyja navušniki, kab kupić žoncy kvietki
U mužčyny heta nie pieršaja kryminałka.
Minčanin vučycca na zavočnym u adnym sa staličnych kaledžaŭ. Adnojčy jon pryjechaŭ na zaniatki raniej i vyrašyŭ vypić kavy. Na łaŭcy kala ŭvachodu ŭ kaledž 48-hadovy mužčyna ŭbačyŭ zabytyja kimści biespravadnyja navušniki i vyrašyŭ zabrać ich sabie.
Paśla zaniatkaŭ minčanin adpraviŭsia ŭ handlovy centr na Cimirazieva. Tam jon pradaŭ navušniki ŭ kramie techniki za 60 rubloŭ, pišuć «Minsk-Naviny».
Hrošy mužčyna patraciŭ na pradukty i kvietki žoncy. Nieŭzabavie da jaho pryjšła milicyja: uładalnica słuchavak napisała zajavu, mužčynu vyličyli pa kamierach. Straty dziaŭčyna acaniła ŭ 550 rubloŭ.
U dačynieńni da minčanina raspačali kryminalnuju spravu za kradziež. Jamu pahražaje da troch hadoŭ turmy. U mužčyny nieźniataja sudzimaść. Suda minčanin čakaje na voli: jaho adpuścili pad asabistaje paručalnictva.
Čytajcie taksama:
57-hadovuju biełarusku mocna abduryŭ «žanich ź Siryi»
Čarhovaja schiema: «Biełpošta» papiaredžvaje pra paviedamleńni machlaroŭ u miesiendžarach