Znajści
Ałharytmičny łacinski varyjant
18.04.2024 / 14:372RusŁacBieł

U škłoŭskaj kałonii projdzie akcyja «Bieśśmiarotny połk»

Mierapryjemstva, aficyjna prymierkavanaje da 80-hodździa vyzvaleńnia Biełarusi, administracyja papraŭčaj kałonii rychtuje nie da 3 lipienia, a da 9 maja — heta značyć, chutčej da 79-hodździa Pieramohi ŭ Druhoj suśvietnaj vajnie.

Akcyja «Bieśśmiarotny połk» u rasijskaj kałonii. Fota: division_bell.livejournal.com

U jakoj formie projdzie akcyja «Bieśśmiarotny połk» kančatkova nie vyrašana. Asudžanyja prosiać svaich svajakoŭ dasyłać im razdrukavanyja fatahrafii vialikaha farmatu ź siamiejnych albomaŭ, na jakich adlustravanyja vieterany vajny, z ukazańniem hadoŭ žyćcia. Viadoma, što budzie praviedziena chvilina maŭčańnia, a ŭdzielniki samadziejnaści padrychtujuć vieršy abo pieśni, pryśviečanyja vajnie.

Usie fota buduć źmieščany na vialikaje fotapano va ŭsiu ścianu, ale mahčyma, što pierad tym projdzie i ŭračystaje pastrajeńnie. Pryvilej paŭdzielničać u akcyi prapanavany nie ŭsim, a tolki tym, chto «staŭ na šlach vypraŭleńnia», piša Mayday.team.

Adznačym, ideja «Nieśmiarotnaha pałka» ŭ kałonijach nie novaja. Administracyja Škłoŭskaj VK-17 tolki pierajmaje ideju ŭ rasijskich kalehaŭ. Pieršaja takaja akcyja ŭ sistemie Fiederalnaj słužby vykanańnia pakarańniaŭ RF prajšła ŭ 2019 hodzie, a praz try hady stała masavaj.

Šeści pa turemnym placy z partretami frantavikoŭ stali šyroka praktykavać z 2022 hoda, paśla pačatku vajny suprać Ukrainy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
3
Ха-ха
3
Ого
0
Сумна
0
Абуральна
5
0
Miemaryjał/adkazać/
18.04.2024
U kalonii treba pravodzić akcyju "Biesśmiarotny barak".
0
VKL = BRN /adkazać/
18.04.2024

zeki  bryljanta paniasuć ci našych złodziejaŭ  ŭ zakonie ?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera