Znajści
Ałharytmičny łacinski varyjant
16.04.2024 / 21:497RusŁacBieł

Pytańnie, ci źjaŭlajecca Maryna Vasileŭskaja prafiesijnaj kasmanaŭtkaj, prajaśniŭ «Raskosmas»

Apošnim časam u suviazi z palotam biełaruski Maryny Vasileŭskaj u kosmas mnohija ekśpierty, žurnalisty i inšyja hramadzianie zadajucca pytańniem — možna hetuju žančynu ličyć prafiesijnaj kasmanaŭtkaj, ci jana prosta kaśmičnaja turystka? Zdajecca, kančatkovuju kropku ŭ hetym pytańni stavić infarmacyja, adšukanaja «Lusterkam» na sajcie «Raskosmasu».

Skład ekipaža «EP-21». Maryna Vasileŭskaja-udzielnik kaśmičnaha palotu. Skrynšot sajta gctc.ru

Maryna Vasileŭskaja pierad svaim palotam na MKS davoli praciahły čas praviała ŭ Centry padrychtoŭki prafiesijnych kasmanaŭtaŭ «Raskosmasu». Hetaja ŭstanova, jak zrazumieła z nazvy, zajmajecca arhanizacyjaj «adboru i padrychtoŭki kasmanaŭtaŭ (astranaŭtaŭ)».

Na sajcie centra jość raździeł «Ekipažy na padrychtoŭcy». U im — śpis ludziej, jakija rychtujucca palacieć u kosmas. Niahledziačy na toje, što Maryna Vasileŭskaja i Aleh Navicki ŭžo viarnulisia z arbity, infarmacyja pra ich dahetul jość u hetym raździele.

U śpisie členaŭ asnoŭnaha ekipaža EP-21 nasuprać imia Maryny Vasileŭskaj staić abrevijatura UKP, što značyć «udzielnik kaśmičnaha palotu». Jana ž paznačanaja nasuprać imia Anastasii Lankovaj — dublorki Vasileŭskaj.

Pasada Aleha Navickaha rasšyfroŭvajecca jak «kamandzir ekipaža», a Dajsan Trejsi — «bortinžynier ekśpiedycyi MKS».

Čamu abrevijatura UKP važnaja? Tamu što mienavita jaje «Raskosmas» vykarystoŭvaje dla paznačeńnia kaśmičnych turystaŭ.

Tak, u mai 2021 hoda pres-słužba centra padrychtoŭki kasmanaŭtaŭ paviedamlała pra zaćviardžeńnie składaŭ ekipažaŭ Mižnarodnaj kaśmičnaj stancyi z 2021 pa 2023 hady. Akramia, ułasna, prafiesijnych kasmanaŭtaŭ u śpisie byli aktrysa Julija Pieresild i režysior Klim Šypienka. U paviedamleńni paznačałasia, što jany — «udzielniki kaśmičnaha palotu dla zdymak epizodaŭ mastackaha filma pad pracoŭnaj nazvaj «Vyklik».

U śniežni taho samaha hoda CPK infarmavaŭ pra paśpiachovy zapusku rakiety-nośbita «Sajuz-2.1a». Adznačałasia, što ŭpieršyniu ŭ skład ekipaža, akramia kasmanaŭta «Raskosmasa» Alaksandra Misurkina, uvachodzili dva ŭdzielniki kaśmičnaha palotu: japonski pradprymalnik Jusaku Maezava i jahony pamočnik Joza Chirana. Asobna paviedamlałasia, što jany «stali adpaviedna vośmym i dziaviatym turystami, jakija naviedali MKS».

Razam z tym, udzielnikami kaśmičnaha palotu mohuć być nie tolki turysty, ale i inžyniery, navukoŭcy, vykładčyki, kiniematahrafisty, žurnalisty, «udzielniki kamiercyjnych, navukovych i inšych prahram», a taksama členy kaśmičnych ahienctvaŭ ź dziaržaŭ, jakija nie źjaŭlajucca krainami — partniorami MKS. Heta ŭkazana ŭ damovie ab Mižnarodnaj kaśmičnaj stancyi.

@nashanivanews Siamji kasmanaŭtki Vasileŭskaj stvarajuć novyja lehiendy #vasilevskaja#kosmos#kosmonavt#naviny#biełaruś#biełaruśsiejčas♬ When I See You - Gabriel Albuquerqüe & Piano House

Ale Maryna Vasileŭskaja naŭrad ci padychodzić pad jakuju-niebudź z katehoryj, akramia turystyčnaj i členskaj: navukoŭcam jana nie źjaŭlajecca (žančyna zavočna vučyłasia na mieniedžara-ekanamista), pra jaje talenty ŭ inžyniernaj spravie, vykładańni, kiniematohrafie i žurnalistycy taksama ničoha nie viadoma.

Nie viadoma, jak mienavita było aformlenaje znachodžańnie biełaruski na MKS i chto za jaho płaciŭ.

Ale ŭ zaklučeńnie jość cikavy fakt: u 2007 hodzie Rasija zapuskała ŭ kosmas pieršaha čałavieka z Małajzii — šejcha Muzafara Šukora («Raskosmas» taksama nazvaŭ jaho ŭdzielnikam kaśmičnaha palotu). Zdaryłasia heta ŭ ramkach damovy, pavodle jakoj Kuała-Łumpur pavinna była zakupić u Maskvy 18 źniščalnikaŭ Su-30 na 900 miljonaŭ dalaraŭ.

@nashaniva Stała viadoma, dzie ŭsio ž vučyłasia kasmanaŭtka Maryna Vasileŭskaja #kosmos#biełaruś#obrazovanije#biełaruskajamova#biełorusy#aleksandrłukašienko♬ Last Hope - Steve Ralph

Čytajcie taksama:

Sudzimaść baćki, dzivosy z adukacyjaj, prahały ŭ bijahrafii — tajamnicy žyćcia pieršaj biełaruskaj kasmanaŭtki

Stała viadoma, dzie ŭsio ž vučyłasia kasmanaŭtka Maryna Vasileŭskaja

Hierainia Biełarusi ci zvyčajnaja kaśmičnaja turystka? Niuansy palotu ŭ kosmas Maryny Vasileŭskaj

U telehram-stužcy ahienctva BiełTA siońnia 22 paviedamleńni pra kasmanaŭtku Vasileŭskuju i rolu Alaksandra Łukašenki ŭ pakareńni kosmasu

Pucin taksama ŭznaharodziŭ Marynu Vasileŭskuju

Marynu Vasileŭskuju ŭžo rychtujucca adlić u bronzie i hranicie

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
9
Ха-ха
66
Ого
2
Сумна
12
Абуральна
15
1
JANKA/adkazać/
16.04.2024
• BURYM STEREATYPY • 💰 Cełych plus-minus piaćdziasiat miljonaŭ dalaraŭ za padrychtoŭku j palot — a čaho ž tak doraha?! Ale kali jo skirdy hrošaj, to čamu j nie raźviejacca ŭ biespavietrany prastor? Tolki nia pracham paśla śmierci, što taksama prapanujuć. A jašče žyvym, jak vałacuha, kab adpačyć (u pramym seńsie ŭžo) ad ziamnych spravaŭ. Kruta! 🚀 Tady tudy musić źlatać i inšy biełarus — Andruś Burym «Miełstroj» u svaim zmaharskim stroi z BČB pasami. I pieradać z arbity pryvitańnie sam sabie, što moža navat akupić uvieś tej palot. :) 📺 https://youtu.be/TnJmGsvDx44?si=TDYWepSsL0yXuKVe
1
Inha/adkazać/
16.04.2024
Łukašistskaja kosmoturistka s kuplennym dipłomom o vysšiem obrazovanii 🤦‍♀️ No dla łukašistov eto uśpiech
2
daviedka/adkazać/
17.04.2024
Na prievju momient pośle posadki, hdie Olehu Novickomu po jeho prośbie dali pakiet biełorusskoho bieriozovoho soka. I chotia jeho briend był namierienno zaklejen naklejkoj Roskosmosa, no po dizajnu upakovki vidno, čto eto ABC.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera