Znajści
Ałharytmičny łacinski varyjant
16.04.2024 / 07:382RusŁacBieł

Piratechnik filma «Irža» atrymała realny termin za nienaŭmysnaje zabojstva apieratarki na zdymačnaj placoŭcy

65-hadovamu akcioru Aleku Bołduinu taksama daviadziecca paŭstać pierad sudom u lipieni.

Channa Hućjeres-Ryd. Fota: Luis Sánchez Saturno-Pool/Getty Images

Piratechnik na zdymkach filma «Rast» («Irža») Channa Hućjeres-Ryd prysudžanaja da 18 miesiacaŭ turemnaha źniavoleńnia. Mienavita jana zaradžała pistalet akciora Aleka Bołduina, jakim toj vypadkova zabiŭ 21 kastryčnika 2021 hoda apieratarku Halinu Chatčyns, piša Bi-bi-si.

26-hadovaja Hućjeres-Ryd była pryznanaja vinavataj u nienaŭmysnym zabojstvie. Atrymany joju turemny termin źjaŭlajecca maksimalna mahčymym za ŭčynienaje joju złačynstva.

Adnak, jana była pryznana nievinavataj pa druhim abvinavačvańni: padrobcy dokazaŭ pa spravie ab zabojstvie Haliny Chatčyns.

65-hadovamu Aleku Bołduinu taksama daviadziecca paŭstać pierad sudom u lipieni. Jaho taksama abvinavačvajuć u nienaŭmysnym zabojstvie, adnak jon užo niekalki razoŭ zajaŭlaŭ, što nie vinavaty.

Chatčyns była zabitaja strełam ź pistaleta, jaki zamiest chałastoha patrona akazaŭsia zaradžany bajavym.

Prakurory śćviardžali, što ŭ abaviazak Channy Hućjeres-Ryd uvachodziła pierakanacca, što zbroja, jakaja vykarystoŭvajecca na zdymkach, była zaradžana rekvizitnymi chałastymi patronami, jakija, adnak, vyhladajuć i hučać, jak sapraŭdnyja.

Padčas zaklučnaha słova prakuror Kary Morysi skazała, što sutnaść złačynstva zaklučałasia ŭ «pastajannych i biaskoncych parušeńniach techniki biaśpieki, jakija pryviali da hibieli čałavieka».

Morysi adznačyła, što Hućjeres-Ryd pavodziła siabie «nieaściarožna» i «lehkadumna», bo nie zaŭvažyła, što bajavyja patrony niejkim čynam trapili ŭ skrynku z mulažami na zdymačnaj placoŭcy. Adzin z hetych patronaŭ niejkim čynam i apynuŭsia ŭ pistalecie, jakim karystaŭsia Bołduin.

Prysiažnyja railisia try hadziny, pierš čym pryznali piratechnika vinavataj u nienaŭmysnym zabojstvie. Jana spakojna vysłuchała prysud, a, sychodziačy, skazała svajoj maci, jakaja płakała, što «ŭsio budzie dobra».

Baćki i siastra zahinułaj Haliny Chatčyns skazali, što zadavolenyja «prysudam. Adnak u ich zajavie taksama havaryłasia, što adkaznaść za svaje dziejańni pavinny panieści i «ŭsie astatnija, chto tak, ci inakš, vinavaty ŭ śmierci Haliny».

Padčas słuchańniaŭ prakurory padali sudu dokazy taho, što Hanna pryviezła na zdymki ŭ štacie Ńju-Mieksika skrynku z bajavymi patronami sa svajho doma. Jany taksama śćviardžali, što zamiest taho, kab zachoŭvacca pad zamkom, skrynka z patronami vandravała ź miesca na miesca na praciahu 12 dzion.

Pry hetym Morysi adznačyła, što abvinavačanaja nie źbirałasia prynosić na zdymačnuju placoŭku bajavyja patrony, što heta adbyłosia vypadkova, tamu śmierć Chatčyns stała vynikam trahičnaj chałatnaści.

Sama piratechnik pakazańniaŭ na dvuchtydniovym sudovym pracesie nie davała, ale jaje advakat adznačyŭ, što prakuroram tak i nie ŭdałosia dakazać, što jana była adzinym čałaviekam, adkaznym za stralbu sa śmiarotnym vynikam.

Advakat Boŭłz abvinavaciŭ Bołduina ŭ tym, što toj «vyjšaŭ za ramki scenara», kali nakiravaŭ pistalet na zdymačnuju hrupu.

«U scenary nie havaryłasia, što Bołduin pavinien byŭ kankretna kudyści celicca. Maja padabaronnaja prosta nie viedała, što Bołduin zrobić toje, što jon zrabiŭ», — dadaŭ Boŭłz, paabiacaŭšy abskardzić abvinavaŭčy prysud.

Paśla trahičnaha incydentu zdymki byli prypynienyja, ale zatym adnavilisia i byli zavieršany ŭ mai minułaha hoda. Vykanaŭčym pradziusaram na adnoŭlenych zdymkach staŭ muž Haliny Chatčyns.

Čytajcie taksama:

Na zdymkach filma akcior Alek Bołduin vypadkova zastreliŭ apieratara i paraniŭ režysiora

Alek Bołduin vypadkova zastreliŭ čałavieka na zdymkach filma. Jak takoje mahčyma?

Chto taja ŭkrainka, jakuju zabiŭ Bołduin, i jak joj udałosia zrabić ašałamlalnuju karjeru ŭ Halivudzie

Alek Bołduin zajaviŭ, što nie naciskaŭ na spuskavy kručok revalviera, kali zahinuła apieratar Halina Chatčyns

Aleku Bołduinu vystavili abvinavačvańni ŭ nienaŭmysnym zabojstvie apieratara Haliny Chatčyns. Jaho mohuć pasadzić na piać hadoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
1
Ха-ха
1
Ого
0
Сумна
3
Абуральна
7
2
Woodoo Cult /adkazać/
16.04.2024
Nadiejuś etomu kłounu bołduinu tožie srok dadut.
0
Brešuć/adkazać/
01.05.2024
U pierapynkach pamiž zdymkami hrupa baviłasia stralaninaj pa bankach. Tobok bajavych patronaŭ tam było dachalery. 

A lavak Bołduin nia tolki nakiroŭvaŭ rulu i cisnuŭ tryhier, ale byŭ i pradusaram karciny, tobok asabista adkazny za najom asudžanaj nikčemy na vakansiju zbrojnika. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera