Alek Bołduin vypadkova zastreliŭ čałavieka na zdymkach filma. Jak takoje mahčyma?
Tłumačym, jak na sceničnaj placoŭcy pracujuć sa zbrojaj.
Fota depositphotos.com
Na zdymkach filma «Rast» akcior Alek Bołduin vypadkova zastreliŭ z butaforskaj zbroi apieratarku Halinu Chatčyns i raniŭ režysiora karciny Džoeła Soŭzu. Śviedki, što bačyli Bołduina paśla incydentu, kažuć, što akcior vyhladaŭ šakiravanym, heta ž bačna i na fota Bołduina, zroblenych amierykanskimi žurnalistami. Palicyja rasśleduje trahiedyju, pakul što abvinavačvańni nikomu nie vystaŭlenyja.
Incydent na zdymkach «Rasta» — źjava zusim ekstraardynarnaja. Raniej było ŭsiaho niekalki anałahičnych vypadkaŭ. Z butaforskaj zbrojaj, što vykarystoŭvajecca na zdymkach, abaviazkova pracuje kamanda ekśpiertaŭ, kab harantavać, što niebiaśpiečny rekvizit nikomu nie paškodzić. U hety raz niešta pajšło nie tak, tłumačyć komputerswiat.pl.
Što za zbroja na zdymačnych placoŭkach?
Jak sama butaforskaja zbroja, tak i patrony da jaje mohuć nieści niebiaśpieku. Zvyčajna na zdymkach užyvajuć chałastyja patrony, jakija imitujuć sapraŭdny streł.
Sučasny patron, akramia inšych elemientaŭ, uklučaje ŭ siabie zarad porachu i mietaličny elemient — kulu. Chałastyja patrony nie majuć u svaim składzie kulu. Zamiest jaje, naprykład, u skład patrona moža ŭvachodzić papiera ci vata.
Ale heta nie značyć, što chałastyja patrony całkam biaśpiečnyja. Streł patronam z kulaj-imitataram, zroblenaj, naprykład, z dreva ci papiery, moža paranić čałavieka na adlehłaści 10-20 mietraŭ. Kali ž u patronie zusim niama kuli, jon usio roŭna pradstaŭlaje niebiaśpieku za košt raspalenych parachavych hazaŭ, što vydzialajucca z zbroi padčas strełu.
Reč jašče i ŭ tym, što ŭ jakaści butaforskaj zbroi na kinazdymkach vykarystoŭvajuć roznyja pradmiety. Heta moža być i sapraŭdnaja zbroja, jakaja nie pracuje. Tamu na kožnaj zdymačnaj placoŭcy pavinien być śpiecyjalny čałaviek, jaki budzie pryhladać za zbrojaj i patłumačyć akcioram, jak ź joj pravilna pracavać.
Pry hetym varta vykonvać śpiecyjalnyja praviły. Naprykład, nielha prosta tak nacelvacca na ludziej, navat kali razmova idzie pra niepracujučuju zbroju. Kali ž zdymajucca sceny sa strełami, treba vykonvać miery pieraściarohi, u tym liku i stroha abmiažoŭvać kolkaść ludziej na linii ahniu. Varta nie zabyvać, što butaforskaja zbroja — heta ŭsio roŭna zbroja, jana moža nanieści čałavieku traŭmu ci navat zabić jaho.
Kiejs Bołduina
Zhodna z zapisami amierykanskaha suda, padčas zdymak Alek Bołduin atrymaŭ ad asistenta režysiora Dejva Chołza zbroju, što čamuści była zaražanaja bajavymi patronami. Sam asistent režysiora pra heta nie viedaŭ i paviedamiŭ akcioru, što zbroju možna biaśpiečna vykarystoŭvać u zdymačnym pracesie. Chołz uziaŭ adzin ekziemplar zbroi z troch, padrychtavanych dla zdymak.
Kali Bołduin vystraliŭ, apieratarka filma Halina Chatčyns była paranienaja ŭ hrudzi. Režysior filma Džoeł Soŭza, što stajaŭ za joj, taksama atrymaŭ ranieńnie. Chatčyns advieźli na viertalocie ŭ špital univiersiteta Ńju-Mieksika, adnak vyratavać žančynu nie atrymałasia. Soŭza, u svaju čarhu, pravioŭ niekalki dzion u špitali i byŭ vypisany.
Z reŭnaści žančyna pratknuła viłami adnaviaskoŭku, padpaliła siabie i dom
Žychar Babrujska zachacieŭ pavialičyć svoj imunitet muchamorami. Usio skončyłasia bićciom hałavoj maršrutak
