Ukraina viarnuła cieły jašče 121 zahinułaha vajskoŭca
Rasijski bok pakul nie paviedamlaŭ pra abmien ciełaŭ vajskoŭcaŭ.
Ukraina viarnuła cieły jašče 121 zahinułaha vajskoŭca. Pra heta paviedamlaje Kaardynacyjny štab pa pytańniach abychodžańnia z vajennapałonnymi Ukrainy.
Pavodle źviestak štaba, im udałosia viarnuć 12 ciełaŭ vajskoŭcaŭ USU, jakija vajavali na Łuhanskim kirunku, 107 — z Danieckaha kirunku i jašče dvuch — z Zaparožskaha.
Pieravozkaj ciełaŭ i pareštkaŭ dla pieradačy ich pradstaŭnikam pravaachoŭnych orhanaŭ i sudmiedekśpiertam zajmajucca ŭzbrojenyja siły Ukrainy. Paśla identyfikacyi cieły buduć pieradadzienyja siemjam dla pachavańnia.
Rasijski bok pakul nie paviedamlaŭ pra abmien ciełaŭ vajskoŭcaŭ.
Minuły raz Ukraina viarnuła 100 ciełaŭ vajskoŭcaŭ, Rasija — 69.
U viartańni ciełaŭ kaardynacyjnamu štabu sadziejničajuć Mižnarodny kamitet Čyrvonaha Kryža, SBU, MUS Ukrainy i inšyja pradstaŭnictvy struktur siektara biaśpieki i abarony.
Čytajcie taksama:
AAN: Rasijskija vajskoŭcy zabili ŭzimku minimum 32 ukrainskich vajennapałonnych
Ci realna abmianiać biełaruskich palitviaźniaŭ na rasijskich vajennapałonnych? Tłumačyć Kabančuk
Były ŭkrainski pałonny raskazaŭ, jak jaho pradali čačencam dla nastupnaha abmienu
