U Bierazinie siłaviki zatrymali infarktnika za toje, što jon zdymaŭ ich. Praz hadzinu jaho pryvieźli ŭ reanimacyju sa śladami źbićcia
Pravaabaroncy paviedamlajuć pra vypadak, jaki, pa ich infarmacyi, adbyŭsia 9 sakavika ŭ Bierazinie. Miascovy žychar Uładzimir Panciuch na aŭtavakzale pačaŭ zdymać dziejańni supracoŭnikaŭ DAI, jakija praviarali maršrutki. Mužčyna paličyŭ, što daišniki pavodzili siabie nachabna i chamili kiroŭcam. Jak tolki supracoŭniki ŭbačyli telefon, padbiehli, pavalili mužčynu na ziamlu i pavieźli jaho ŭ adździeł.
Pa infarmacyi pravaabaroncaŭ, praz hadzinu Uładzimira pryvieźli ŭ reanimacyju z sardečnym prystupam i śladami źbićcia. Ciapier mužčyna znachodzicca ŭ balnicy pad kanvojem.
Zatrymany maje 3 hrupu invalidnaści, raniej pieranios 4 infarkty i 3 apieracyi šuntavańnia. Niahledziačy na ŭsio heta, jaho płanujuć sudzić, ale pa jakim artykule, pakul nieviadoma.
Niahledziačy na śviedkaŭ zatrymańnia, viersija incydentu ŭ siłavikoŭ inšaja: nibyta Uładzimir u niećviarozym stanie raspačaŭ bojku na vakzale, za što i byŭ zatrymany.
