U Hiermanii zabili dvuch maładych ukraincaŭ. Padazravany rasijanin
Na poŭdni Hiermanii ŭ horadzie Murnau zabili dvuch ukraincaŭ. Jak paviedamlaje miascovaja palicyja, im było 23 i 36 hadoŭ. Mužčyn z kołata-rezanymi ranieńniami znajšli kala haradskoha handlovaha centra ŭviečary 27 krasavika. Adzin ź ich pamior na miescy ad atrymanych traŭmaŭ. Druhoha pryvieźli ŭ balnicu, adnak nie zmahli vyratavać.
Stychijny miemaryjał u pamiać pra zabitych u Hiermanii ŭkraincaŭ. Fota: telehram-kanał Alaksieja Hančarenki
Padazravanaha ŭ zabojstvie zatrymali pa jaho miescy žycharstva niedaloka ad handlovaha centra. Im akazaŭsia 57-hadovy hramadzianin Rasii. Palicyja piša, što jaho matyvy pakul nieviadomyja. Palicyja chadajničaje ab aryšcie padazravanaha.
Narodny deputat Alaksiej Hančarenka paviedamiŭ, što zabityja ŭ Hiermanii ŭkraincy — vajskoŭcy, jakija prachodzili reabilitacyju ŭ klinicy.
