Pravasłaŭnyja śviatkujuć Rastvo
7 studzienia śvietłaje śviata Rastva adznačajuć pravasłaŭnyja Biełarusi. «Chrystos naradziŭsia!» — heta tradycyjnaje vitańnie ŭ hety dzień. Adkaz: «Słavim jaho!»
Fota flickr.com
25 śniežnia Rastvo śviatkavali kataliki i pratestanty, častka pravasłaŭnych cerkvaŭ. A 7 studzienia śviatkujuć pravasłaŭnyja Biełaruskaj, Ruskaj i Ukrainskaj pravasłaŭnych cerkvaŭ, sierby, hruziny, ukrainskija hreka-katoliki.
Siońnia nie ŭsie majuć mahčymaść abniać svajho tatu ci mamu.
Siońnia nie ŭsie majuć mahčymaść pamalicca ŭ carkvie ci kaściole.
Siońnia nie ŭsie našy susiedzi-ŭkraincy majuć navat śviatło ŭ domie, nie kažučy pra kućciu.
Nie viasiołyja sioleta Kalady.
Ale niachaj usim dzieciam budzie trochi radaści. Niachaj usim viernikam dadasca viery. Niachaj i kožny dzień hetych nieviasiołych śviat nabližaje pieramohu Ukrainy i našaj rodnaj Biełarusi nad iradami, nabližaje viartańnie tataŭ i mam, kab śviatło i kućcia viarnulisia ŭ kožnuju chatu.
