Elektronnyja zvaroty ŭ dziaržaŭnyja orhany ciapier budzie padavać ciažej
Z 2 studzienia ŭ suviazi z ustupleńniem u siłu Zakona «Ab zvarotach hramadzian i jurydyčnych asob» u Biełarusi źmianiŭsia paradak padačy elektronnych zvarotaŭ. Ciapier padać elektronny zvarot u luby dziaržorhan abo dziaržarhanizacyju možna tolki praź śpiecyjalny resurs i tolki identyfikavanym karystalnikam.
Dostup da sistemy ŭliku i apracoŭki zvarotaŭ budzie arhanizavany na śpiecyjalnym sajcie.
Pierad padačaj elektronnaha zvarotu zajaŭniku nieabchodna identyfikavacca i aŭtaryzavacca ŭ sistemie z dapamohaj:
- łahina i parola, stvoranych u pracesie rehistracyi ŭ sistemie. Pry hetym praduhledžvajecca abaviazkovaje paćviardžeńnie fakta rehistracyi pa numary mabilnaha telefona;
- ulikovaha zapisu nacyjanalnaj paštovaj elektronnaj sistemy, jaki možna atrymać u adździaleńni paštovaj suviazi;
- siertyfikata adkrytaha kluča abo ID-karty pry ich najaŭnaści.
Dla jurydyčnych asob padčas prachodžańnia pracedur identyfikacyi ŭ sistemie praduhledžvajecca vykarystańnie tolki siertyfikata adkrytaha kluča albo ID-karty, jakaja naležyć kiraŭniku ci asobie, upaŭnavažanaj padpisvać zvaroty.
Adkazy i apaviaščeńni na takija zvaroty taksama buduć nakiroŭvacca praz hetuju sistemu.