Пастара асудзілі за «распаўсюджванне экстрэмісцкіх матэрыялаў» (ч. 2 арт. 19.11 КаАП) праз «лайкі» і каментарыі да матэрыялаў з інтэрнэт-рэсурсаў, прызнаных экстрэмісцкімі.
Пастар Аляксандр Зарэцкі быў адным з тых, хто пасля падзей жніўня 2020 года падпісаў калектыўны Адкрыты ліст хрысціян Беларусі супраць гвалту. З гэтай нагоды ён меў гутарку ў Чашніцкім РАУС і ў раённым аддзеле ідэалогіі. 8 ліпеня 2021 года па месцы яго жыхарства правялі ператрус з нагоды крымінальнай справы, у якой ён меў статус сведкі.
На пачатку 2022 года Евангельская царква ў Новалукомлі атрымала адмову ад Дэпартамента па гуманітарнай дзейнасці наконт рэгістрацыі гуманітарнай дапамогі на суму 25625 шведскіх крон, атрыманай ад дабрачыннай арганізацыі «Осс-Хельпен» (Швецыя). Сярод гуманітарнай дапамогі, дасланай у Новалукомль, былі інвалідныя вазкі, адзенне, абутак, мэбля, посуд.
Чытайце таксама:
У Докшыцах зноў хапун за «экстрэмісцкія матэрыялы»
Праваабаронцы паведамляюць пра рэйды сілавікоў і затрыманні ў Пінску і Пружанах
Супрацоўніцу Полацкага гісторыка-культурнага запаведніка звольнілі падчас адбыцця арышту
