Tolki praz try miesiacy ŭ Homieli raspačata kryminalnaja sprava ŭ dačynieńni staršaha siaržanta atrada milicyi asobaha pryznačeńnia pałka patrulna-pastavoj słužby UUS Homielskaha abłvykankama.
Amapaviec na asabistaj aŭtamašynie «Reno» najechaŭ na vučnia 1-j klasy śpiecyjalizavanaj škoły-sada №27.
Siamihadovy chłopčyk atrymaŭ ciažkija cialesnyja paškodžańni.
Śledčy kamitet kvalifikavaŭ dziejańni siaržanta AMAPa pavodle častki 2 artykuła 317 kryminalnaha kodeksa Biełarusi — parušeńnie praviłaŭ darožnaha ruchu, jakoje pryviało z-za nieaściarožnaści da śmierci čałavieka ci pryniesła ciažkija cialesnyja paškodžańni.
Słužba infarmacyi Homielskaj DAI ŭ toj dzień paviedamlała pra roznyja zdareńni, a najezd siaržanta AMAPu na pieršaklaśnika «nie zaŭvažyła».
U škole-sadku №27 paviedamili, što paciarpieły pieršakłaśnik užo naviedvaje zaniatki, ale dahetul chodzić z kijočkam.
0
0
0
0
0
0