Толькі праз тры месяцы ў Гомелі распачата крымінальная справа ў дачыненні старшага сяржанта атрада міліцыі асобага прызначэння палка патрульна-паставой службы УУС Гомельскага аблвыканкама.
Амапавец на асабістай аўтамашыне «Рэно» наехаў на вучня 1-й клясы спецыялізаванай школы-сада №27.
Сямігадовы хлопчык атрымаў цяжкія цялесныя пашкоджанні.
Следчы камітэт кваліфікаваў дзеянні сяржанта АМАПа паводле часткі 2 артыкула 317 крымінальнага кодэкса Беларусі — парушэнне правілаў дарожнага руху, якое прывяло з-за неасцярожнасці да смерці чалавека ці прынесла цяжкія цялесныя пашкоджанні.
Служба інфармацыі Гомельскай ДАІ ў той дзень паведамляла пра розныя здарэнні, а наезд сяржанта АМАПу на першаклясьніка «не заўважыла».
У школе-садку №27 паведамілі, што пацярпелы першакласнік ужо наведвае заняткі, але дагэтуль ходзіць з кіёчкам.
0
0
0
0
0
0