«Biełaruskaja čyhunka z metaj pavyšeńnia jakaści absłuhoŭvańnia pasažyraŭ uvodzić pasłuhi elektronnaj rehistracyi pry kupli kvitkoŭ praź Internet na ciahniki mižnarodnych linij,
jakija kursujuć u Rasiju i Łatviju»,— havorycca ŭ paviedamleńni, raźmieščanym na aficyjnym sajcie Biełaruskaj čyhunki.
Elektronnaja rehistracyja dazvalaje značna ekanomić čas, nie afarmlajučy prajazny dakumient u biletnaj kasie, i całkam vyklučaje mahčymaść straty abo psavańnia prajaznoha dakumienta.
Pry pasadcy ŭ ciahnik nieabchodna pakazać dakumient, na padstavie jakoha byŭ aformleny elektronny bilet (napr. pašpart).
Taksama pry pasadcy ŭ ciahnik rekamiendujecca mieć pry sabie błank zamovy ź infarmacyjaj pra pajezdku, jaki ŭ luby momant možna razdrukavać, u tym liku z chatniaha kampjutara.
Taksama prapracoŭvajecca pytańnie pašyreńnia elektronnaj rehistracyi dla prajezdu na ŭsich ciahnikach, jakija kursujuć pa Biełarusi.
Zaraz pasažyry mohuć kupić kvitki z elektronnaj rehistracyjaj na ciahniki, jakija kursujuć pamiž Minskam i ŭsimi abłasnymi centrami, Minskam i Kalinkavičami, a taksama pamiž Mahilovam i Brestam, Viciebskam i Brestam, Viciebskam i Hrodna, Baranavičami i Kalinkavičami (usiaho 14 ciahnikoŭ).
Prajezd pasažyraŭ pa elektronnych biletach pačaŭsia z 12 vieraśnia.
0
0
0
0
0
0
