Pamiž damami 8 i 10 zastaŭsia ŭčastak, dzie asfalt nie pakłali.
Žychary adnaho z damoŭ u zavułku Kazłova atrymali adkaz na zvarot nakont pakładzienaha ŭ łužyny asfaltu.
Nahadajem, što 17 kastryčnika tut pravodziŭsia ramont darohi prosta padčas daždžu. Heta vyklikała abureńnie miascovych žycharoŭ. Fotazdymki ramontu šyroka razyšlisia ŭ presie.
Žycharka adnaho z damoŭ Chryścina Vituška napisała tady zvaroty ŭ KDK, administracyju Łukašenki, miascovym uładam. Pa jaje słovach, nieŭzabavie adusiul pryjšli standartnyja adkazy, što jaje zapyt nakiroŭvajecca ŭ administracyju Partyzanskaha rajona. A niadaŭna pryjšoŭ adkaz i adtul. Joj paviedamili, što na 23 listapada pryznačana pravierka stanu darožnaha pakryćcia.
Ciapier u dvarach zavułka Kazłova rabočych niama, ale ŭražańnie, što ramont tut skončany, nie składvajecca. Naprykład, pamiž damami 8 i 10 zastaŭsia ŭčastak, dzie asfalt nie pakłali. Napeŭna, na toj momant tut stajaŭ čyjści aŭtamabil. Nasuprać uvachodu ŭ budynak upraŭleńnia KDB pa Minsku i Minskaj vobłaści ŭ asfalcie zieŭraje vialikaja dzirka. Na vulicy Daŭhabrodskaj, dzie niadaŭna skončyŭsia ramont, možna pabačyć pamiž damami štabieli plitki i budaŭničy druz.