«Sovietskaja Biełoruśsija» paviedamiła pra vybuch kala viciebskaha abłasnoha ŭpraŭleńnia KDB na piataj pałasie.
Hazieta «Źviazda» piša pra vybuch u Viciebsku na druhoj pałasie.
«Sovietskaja Biełoruśsija» ŭ aŭtorkavym vypusku paviedamiła pra vybuch kala viciebskaha abłasnoha ŭpraŭleńnia KDB na piataj pałasie. Karocieńki artykuł «Śledčyja dziejańni praciahvajucca» — heta faktyčna cytata z paviedamleńnia pres-słužby KDB.
Źviartaje na siabie ŭvahu pamier tekstu — u lepšym vypadku 1/8 pałasy. Navat paviedamleńnie pra sutyčki na maršy nacyjanalistaŭ u Polščy ci nie ŭdvaja bolšaje.Nie kažučy ŭžo pra toje, što susiedniaja pałasa całkam adviedzienaja nibyta «niaŭdačy aranžavych» va Ukrainie i pieršy prysud pa spravie na Bałotnaj u Maskvie.
Hazieta «Źviazda» piša pra vybuch u Viciebsku na druhoj pałasie. Artykuł «vybuch u Viciebsku: paciarpieli vokny» taksama zasnavany na infarmacyi z KDB, jon nie našmat bolšy, za paviedamleńnie ŭ «SB».
Možna zdahadvacca, čamu centralnyja aficyjnyja vydańni tak skupa pišuć pra padobnaje zdareńnie.
Zadziejničanaja pravieranaja časam savieckaja technałohija, kali ŭ padkreślenym niehatyvie pra zamiežža ŭłasnyja prablemy prosta chavalisia.
Adnak u šarahovaha čytača ad takoj padačy materyjału moža skłaścisia ŭražańnie, što padryŭ budynkaŭ KDB — budzionnaja sprava dla našaj krainy.
