Pra heta ŭ intervju haziecie «Respublika» skazaŭ namieśnik ministra pracy Valeryj Kavalkoŭ.
«Skažam tak, usie vydatna razumiejuć, što my staim pierad nieabchodnaściu pavyšeńnia piensijnaha ŭzrostu, — skazaŭ Kavalkoŭ. — Dziejny ŭ respublicy piensijny ŭzrost (55 hadoŭ dla žančyn i 60 hadoŭ dla mužčyn) ustalavany jašče ŭ 1956 hodzie. U toj čas na piensiju pa staraści išli ludzi, jakija pieražyli kalektyvizacyju, vajnu, ciažkija paślavajennyja hady. Fizičnyja i psichałahičnyja nahruzki, jakija vypali na dolu hetych ludziej, nie mahli nie adbicca na stanie ich zdaroŭja, a takim čynam, i pracazdolnaści. U toj čas taki piensijny ŭzrost byŭ apraŭdany».
Pavodle słovaŭ Kavalkova, u suviazi sa źmienaj umovaŭ i jakaści žyćcia vyrasła jaje praciahłaść i taki značny dla piensijnaj sistemy pakazčyk, jak pieryjad dažyćcia — praciahłaść žyćcia paśla dasiahnieńnia piensijnaha ŭzrostu.
«Usio heta, a taksama demahrafičnaja situacyja, jakaja charaktaryzujecca stareńniem nasielnictva, padvodzić da nieabchodnaści pavyšeńnia piensijnaha ŭzrostu, — zajaviŭ čynoŭnik. — Anałahičnaja situacyja składvajecca i ŭ Rasii, dzie taksama viaduć razmovy pra nieabchodnaść pryniaćcia takoha rašeńnia. Zaŭvažcie, nizki piensijny ŭzrost (55 i 60 hadoŭ adpaviedna dla žančyn i mužčyn) zachavaŭsia tolki ŭ troch krainach byłoha SSSR: Biełarusi, Rasii i Uźbiekistanie. Na dadzienym etapie my prapanujem stymulavać bolš poźni vychad hramadzian na piensiju praz ustalavańnie ŭzrastalnych „premij“ za kožny dadatkovy hod pracy bieź piensii».
