Pra heta paviedamiŭ namieśnik staršyni Kansiervatyŭna-chryścijanskaj partyi BNF Juraś Bieleńki.
Sioleta šeście adbudziecca pa tradycyjnym maršrucie — ad Hadzińnikavaha zavoda (st. mietro "Park Čaluskincaŭ") da vulicy Mirašničenki. Mitynh u Kurapatach pačniecca a 15-j hadzinie. Miarkujecca, što ŭ mierapryjemstvie buduć udzielničać kala piaci tysiačaŭ čałaviek.
Arhanizataraŭ akcyi ŭ harvykankamie papiaredzili — padčas mierapryjemstva nielha vykarystoŭvać transparanty, jakija supiarečać tematycy akcyi.
Pačynajučy ad 30 kastryčnika 1988 hoda tradycyjny dzień paminańnia pamierłych Dziady nabyŭ charaktar hramadska-palityčnaj padziei — štohod adbyvajecca šeście na Kurapaty ŭ pamiać ab achviarach kamunistyčnych uładaŭ.