Łukašenka: Kryj mianie Boža, kab Kola staŭ prezidentam 10

Alaksandr i Mikałaj Łukašenki padčas hałasavańnia 23 vieraśnia 2012 h.

Alaksandr Łukašenka ličyć hłupstvam razmovy, što jon rychtuje svajho małodšaha syna Mikałaja da prezidenctva. Pra heta jon zajaviŭ u intervju brytanskim ŚMI: haziecie «Independent» i telekanału Bi-Bi-Si.

«Klanusia, što ja nikoli, nikoli pra heta navat nie dumaŭ! Heta hłupstva poŭnaje!

U nas prezidentam Biełarusi moža stać čałaviek u 35 hadoŭ, jak minimum. Jamu spoŭniłasia 8. Tak što, vy chočacie skazać, što ja jašče budu 30 hadoŭ prezidentam, dla taho kab pieradać hetuju ŭładu dziciaci?» — zaŭvažyŭ Łukašenka.

«Kryj mianie Boža być, pa-pieršaje, prezidentam u takim uzroście, pa-druhoje, kab moj mały ŭ pierśpiektyvie staŭ prezidentam, — dadaŭ Alaksandr Łukašenka. — Heta ja vam absalutna ščyra kažu».

«Heta znoŭ ža sparadžeńnie voś hetaj teoryi našych admarožanych, inakš ich nie nazavieš, kab zapałochać ludziej:

«A-a, voś siamja, pa spadčynie pieradaść hetuju ŭładu i hetak dalej «Ja vam jašče raz kažu:. Maje dzieci najelisia majho prezidenctva. I kali b vy viedali, jak ja pracuju i što ja atrymaŭ ad hetaha prezidenctva, vy b sa mnoj pahadzilisia «, — padkreśliŭ jon

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH