Paśla parazy ŭ startavym matčy kvalifikacyi ČS-2014 ad kamandy Hruzii (0:1) šancaŭ na vychad z hrupy ŭ biełaruskich futbalistaŭ praktyčna nie zastałosia. Takoje mierkavańnie vykazaŭ paśla hulni ŭ Tbilisi hałoŭny trenier zbornaj Biełarusi Hieorhij Kandraćjeŭ.
Na dumku nastaŭnika,
u jaho padapiečnych nie pajšła hulnia, byŭ nie ich dzień.Hieorhij Kandraćjeŭ adznačyŭ, što biełaruskija futbalisty stvarali niebiaśpiečnyja momanty la varot haspadaroŭ pola, ale padviała realizacyja. Akramia taho, vielmi šmat pamyłak było dapuščana ŭ pazicyjnaj hulni. Trenier taksama adznačyŭ, što
vialikaj prablemaj stali try vymušanyja zamieny, kali z-za traŭmaŭ pole byli vymušanyja pakinuć Pavieł Niachajčyk, Maksim Žaŭnierčyk i Jan Ciharaŭ. Paškodžańni, atrymanyja Niachajčykam i Žaŭnierčykam, nie dazvolać im zhulać 11 vieraśnia suprać Francyi.Pa Ciharavu pakul nie ŭsio jasna, mahčyma paśpieje adnavicca, paviedamiŭ Kandraćjeŭ.
U inšym matčy adboračnaj hrupy I zbornaja Francyi ŭ Chielsinki ź minimalnym likam abyhrała kamandu Finlandyi - 1:0.
U druhim tury kvalifikacyi da suśvietnaha pieršynstva-2014 zbornaja Biełarusi 11 vieraśnia ŭ Paryžy sustreniecca z kamandaj Francyi, a hruziny prymuć u siabie doma ispancaŭ.
0
0
0
0
0
0
