«600 młrd. rubloŭ nie chapaje ŭ Bresckaj vobłaści na zarobki ŭ suviazi z pavyšeńniem», — takuju zajavu zrabiŭ načalnik upraŭleńnia fizičnaj kultury, sportu i turyzmu abłvykankama Mikałaj Chievuk 5 vieraśnia ŭ Minsku na sumiesnym pasiadžeńni kalehii Ministerstva sportu i turyzmu i vykankama Nacyjanalnaha alimpijskaha kamiteta. Pavodle jaho słoŭ, ličba była ahučana na apošniaj naradzie ŭ staršyni abłvykankama Kanstancina Sumara.
Infarmacyja pra deficyt srodkaŭ na zarobki prahučała ŭ kantekście finansavańnia spartovaj haliny ŭ rehijonach.
«U abłaściach hrošaj niama», — skazaŭ Chievuk.
Varta adznačyć, što hety čynoŭnik znachodzicca ŭ doŭhim śpisie tych, kaho pa vynikach pasiadžeńnia kalehii Minsportu i vykankama NAKa, padvodziačy vyniki vystupleńnia na Alimpijadzie ŭ Łondanie, rekamiendavana vyzvalić ad zajmanaj pasady (usiaho bolš za 50 čałaviek).
