Pieradvybarčy vystup staršyni Mahiloŭskaj abłasnoj arhanizacyi Abjadnanaj hramadzianskaj partyi Uładzimira Šancava nie prapuścili ŭ efir dziaržaŭnaha radyjo. Zamiest jahonaha vystupu prahučaŭ pałanez «Raźvitańnie z radzimaj».
Uładzimier Šancaŭ bałatavaŭsia pa Mahiloŭskaj pramysłovaj akruzie № 87.
Jak śćviardžaje Uładzimir Šancaŭ, u svaim vystupie jon zaklikaŭ vybarcaŭ bajkatavać vybary.
«U svaim vystupie ja kazaŭ pra toje, što ŭ krainie niama vybaraŭ, a kali niama vybaraŭ, to kraina žyvie ŭ strachu. Kali vybaraŭ niama, to ihnarujecca Kanstytucyja. Kali niama vybaraŭ, to ŭ ekanomicy adbyvajucca vialikija pravały. Biezumoŭna, jak siabra AHP, ja ŭžyŭ u maim vystupie takija słovy, što ja idu na vybary, kab mieć lehalnuju mahčymaść raskazać praŭdu pra falšavańni i zaklikać vybarcaŭ akruhi padtrymać našu kampaniju „Za česnyja vybary biez Łukašenki“ i nie chadzić na vybary — zastacca na dačy, schadzić na rybałku».
0
0
0
0
0
0
