U suviazi ź situacyjaj vakoł zatrymańnia karespandenta polskaj «Haziety vyborčaj» Andreja Pačobuta i mižnarodnaj reakcyjaj na hetu padzieju MZS Biełarusi vyrašyła nahadać polskim uładam ab pryncypie viaršenstva zakona.
«Vyklikaje ździŭleńnie leksika, što vykarystoŭvajecca aficyjnymi pradstaŭnikami Respubliki Polšča, jakija adkryta havorać pra akazańnie „nacisku“ na biełaruski bok u suviazi z zatrymańniem A.Pačobuta i zaklikajuć da hetaha ŭvieś ES», — havorycca ŭ kamientary
«Pavodle łohiki polskaha boku, toje, što A.Pačobut nazyvaje siabie žurnalistam, maje polskuju nacyjanalnaść, dy da taho ž «pryznačany» Varšavaj staršynioj hałoŭnaha savieta Sajuza palakaŭ na Biełarusi, jakim na samoj spravie źjaŭlajecca zusim inšy čałaviek, robić A.Pačobuta «niedatykalnym», — adznačaje
U kamientary nahadvajecca, što Pačobut «źjaŭlajecca hramadzianinam Respubliki Biełaruś» i, «jak luby inšy biełaruski hramadzianin, znachodzicca ŭ pravavym asiarodździ, vyznačanym biełaruskim zakanadaŭstvam». «U Biełarusi ŭsie hramadzianie, niezaležna ad ich prafiesijnaj dziejnaści i nacyjanalnaj prynaležnaści, roŭnyja pierad zakonam», — śćviardžaje
«Zamiest sprob akazańnia nacisku na biełaruskuju sistemu justycyi ich zamiežnym inicyjataram varta było b uspomnić pra tak časta dekłaravany našymi jeŭrapiejskimi partniorami pryncyp viaršenstva zakona, jaki ŭ vypadku ź Biełaruśsiu ŭsio čaściej sprabujuć padmianić palityčnaj metazhodnaściu», — rekamienduje
***
Nahadajem, biełaruski karespandent polskaj «Haziety vyborčaj» Andrej Pačobut byŭ zatrymany viečaram 21 červienia ŭ siabie doma ŭ Hrodnie. U dačynieńni da žurnalista raspačata sprava na padstavie č. 2 art. 367 KK (paklop na prezidenta, učynieny asobaj, raniej sudzimaj za paklop ci abrazu). Hod tamu Pačobuta ŭžo sudzili na padstavie č. 1 art. 367 KK (paklop na prezidenta) i pryhavaryli da troch hadoŭ pazbaŭleńnia voli z adterminoŭkaj vykanańnia na dva hady. Ciapier žurnalistu pahražaje piać hadoŭ pazbaŭleńnia voli.
