«Stareju nie tolki ja — stareje sa mnoj usia apazicyja»,
Pra heta kiraŭnica Centravybarkamu paviedamiła ŭ efiry telekanała «Biełaruś 1».Jarmošyna ličyć, što ŭ palityčnyja partyi pavinny pryjści maładyja i dziejnyja ludzi, jakija zmohuć potym uziać na siabie adkaznaść.
«Tyja, chto znachodzicca ciapier, prynamsi, u vierchavinie apazicyi, užo na heta nie zdolnyja. Stareju nie tolki ja — stareje sa mnoj usia apazicyja», — cytuje čynoŭnicu ahienctva BiełTA.
Akramia taho, Jarmošyna nazvała PR-kampanijaj zakliki niekatorych palityčnych partyj da bajkotu parłamienckich vybaraŭ. Pa jaje słovach, takija PR-kampanii ŭžyvajucca pry kožnych parłamienckich vybarach. Ale partyi buduć abaviazkova ŭdzielničać u vybarach, bo inačaj nie atrymajuć «srodki na raźvićcio demakratyi, jakija im vyłučajuć», kaža kiraŭnica CVK. Na jaje dumku, zaklikami da bajkotu partyi žadajuć pryciahnuć da siabie ŭvahu.
