Jak paviedamiŭ siońnia na bryfinhu načalnik upraŭleńnia infarmacyi —
Novaja redakcyja vizavych pravił praduhledžvaje vyzvaleńnie ad nieabchodnaści atrymańnia viz zamiežnymi hramadzianami i asobami biez hramadzianstva, jakija majuć paśviedčańnie na prava žycharstva ŭ Biełarusi. Pašyrana koła asob, jakija majuć prava na naviedvańnie miesc pachavańnia, vyznačany padstavy dla atrymańnia biełaruskaj vizy dla lačeńnia. Unifikavany asobnyja formy chadajnictvaŭ ab vydačy viz i vizavych ankiet.
Z 1 vieraśnia mahčymaść atrymańnia ŭjaznych viz u Nacyjanalnym aeraporcie zachavajecca tolki dla hramadzian zamiežnych dziaržaŭ, u jakich adsutničajuć dyppradstaŭnictvy abo konsulskija ŭstanovy Biełarusi.
Hramadzianie dziaržaŭ, u jakich jość biełaruskija zahranustanovy, majuć prava atrymać vizu ŭ aeraporcie tolki ŭ tym vypadku, kali jany prybyvajuć u składzie aficyjnych delehacyj pa zaprašeńni orhanaŭ dziaržkiravańnia Biełarusi, a taksama ŭ suviazi ź ciažkim zachvorvańniem abo śmierciu blizkaha svajaka.